San Andres jaien lehen asteburuaz gozatzeko prest daude ormaiztegiarrak
Bihartik igandera bitartean, Ormaiztegiko Festa Batzordeak San Andres jaien lehen astebururako prestatu dituen ekintzez gozatzeko aukera izango dute ormaiztegiarrek zein egun horietan bertara hurbiltzen diren bisitariek. Festei hasiera ematen lehendabizikoak jubilatuak eta pentsiodunak izango dira, bihar eta ostirala bitartean punttu, toka, bote eta igel txapelketak jokatuko baitituzte jubilatuen elkartean. Ostiral gauerako berriz, Ormaiztegiko Gazte Asanbladak kontzertua antolatu du txosnetan. Nekez, Fiachras eta E.H Sukarra taldeek joko dute. Eleganteen Eguna Larunbatean Eleganteen Eguna ospatuko dute. Ormaiztegiarrentzat egun berezia izan ohi da. Neskek zein mutilek armairuetatik soineko eta traje dotoreak atera eta parranda egingo dute egun osoan zehar. Eguerdi partean eleganteen bazkaria egiteko tartea hartuko dute, eta bazkal ondorenean berriz, joku eleganteetan parte hartuko dute. Arratsalderako, Haurren Eskubideen Nazioarteko Eguna ospatzeko helburuarekin, haurrentzako jokoak antolatu ditu Zumalakarregi museoak, Haurren eskubideen alde jolasean! lelopean. Museoko arduradunek jakitera eman dutenez, 6tik 12 urte bitarteko haurrek beraien eskubideen alde jolas egingo dute. Jolasaren barruan, aipamen berezia izango duten bost eskubideak hauek dira: etxebizitza izateko eskubidea, elikadura egokia jasotzeko eskubidea, eskolara joateko eskubidea, medikura joateko eskubidea eta familia izateko eskubidea. “Bertan parte hartzen duten haurrek beraien oinarrizko eskubideekiko sentsibilizazioa lortzea da jolas horren helburua”, gehitu dute museoko arduradunek. Plaza mugatuak izango dira, eta interesa dutenek ostiralerako, arratsaldeko [...]
Mutil taldea dotore-dotore jantzita
Bihartik igandera bitartean, Ormaiztegiko Festa Batzordeak San Andres jaien lehen astebururako prestatu dituen ekintzez gozatzeko aukera izango dute ormaiztegiarrek zein egun horietan bertara hurbiltzen diren bisitariek.
Festei hasiera ematen lehendabizikoak jubilatuak eta pentsiodunak izango dira, bihar eta ostirala bitartean punttu, toka, bote eta igel txapelketak jokatuko baitituzte jubilatuen elkartean. Ostiral gauerako berriz, Ormaiztegiko Gazte Asanbladak kontzertua antolatu du txosnetan. Nekez, Fiachras eta E.H Sukarra taldeek joko dute.
Eleganteen Eguna
Larunbatean Eleganteen Eguna ospatuko dute. Ormaiztegiarrentzat egun berezia izan ohi da. Neskek zein mutilek armairuetatik soineko eta traje dotoreak atera eta parranda egingo dute egun osoan zehar. Eguerdi partean eleganteen bazkaria egiteko tartea hartuko dute, eta bazkal ondorenean berriz, joku eleganteetan parte hartuko dute.
Arratsalderako, Haurren Eskubideen Nazioarteko Eguna ospatzeko helburuarekin, haurrentzako jokoak antolatu ditu Zumalakarregi museoak, Haurren eskubideen alde jolasean! lelopean. Museoko arduradunek jakitera eman dutenez, 6tik 12 urte bitarteko haurrek beraien eskubideen alde jolas egingo dute. Jolasaren barruan, aipamen berezia izango duten bost eskubideak hauek dira: etxebizitza izateko eskubidea, elikadura egokia jasotzeko eskubidea, eskolara joateko eskubidea, medikura joateko eskubidea eta familia izateko eskubidea. “Bertan parte hartzen duten haurrek beraien oinarrizko eskubideekiko sentsibilizazioa lortzea da jolas horren helburua”, gehitu dute museoko arduradunek. Plaza mugatuak izango dira, eta interesa dutenek ostiralerako, arratsaldeko bostetarako eman behar dute izena. Apuntatzeko museoko telefono zenbakira (943 88 99 00) deitu daiteke, edota mzumalakarregi@gipuzkoa.net helbidera idatzi. Nahi duena museora bertara ere joan daiteke.
Igandean ere izango da zertaz gozatua. Goizean artisau erakusketa eta jakien zein edarien dastaketa egingo dituzte, Aintziñe gozotegiaren eta Elosegi ardotegikoen eskutik. Arratsaldean berriz, Kiki eta Koko pailazoen Sustrai bizi-biziak ikuskizuna ikusteko aukera izango du jendeak, eta arratsaldean Goruntz dantza taldearen saioa.
Hona egitaraua:
Bihar, osteguna
-16:00. Punttu txapelketa jubilatuen elkartean.
Etzi, ostirala
-16:00. Toka, bote eta igel txapelketak jubilatuen elkartean.
-22:30etik aurrera. Nekez, Fiachras eta E.H. Sukarra taldeen kontzertua, txosnetan.
Larunbata
-12:00. Lagun taldeen bilkura, Eleganteen Eguna ospatzeko.
-14:00. Eleganteen bazkaria, Zubipe kiroldegian.
-Bazkal ondoren. Joku eleganteak.
-16:00. Mus Txapelketa jubilatuen elkartean.
-16:30. Zumalakarregi museoak antolatuta haurrentzako jokuak.
-23:00etatik aurrera. Zesuma taldearekin dantzaldia, plazan.
Igandea
-11:00etatik aurrera. XVIII. Artisau erakusketa, plazan.
-12:30. Meza.
-13:30. Aintziñe gozotegiaren eta Elosegi ardotegikoen eskutik jakien eta edarien dastaketa.
-18:00. Kiki eta Koko pailazoen eskutik Sustrai bizi-biziak ikuskizuna.
-19:00. Goruntz dantza taldearen saioa, kiroldegian.
