Ordiziako Euskal Jaietako azoka berezia aurkeztu dute
Etzi, asteazkena, Ordizian egingo duten Euskal Jaietako azoka berezia aurkeztu dute eguerdian Donostian. Azokaren barruan, Latxa ardiaren esnez egindako XXXIX. Gazta-lehikaeta entzutetsua ere egingo da, Beti-Alai pilotalekuan. Ordiziako Udalak, Idiazabal Gaztaren Kofradiak eta Idiazabal Jatorri Izendapenak elkarlanean antolatu dute aurten ere lehiaketa. Goizeko 10:30ean hasiko da lehiaketa etzi, eta 13:30ak aldera jakingo da zein artzainek egin duen aurteko gaztarik onena. Irabazlea jakinda hasiko da urteroko enkantea. Iaz Rikardo Remiro izan zen artzain saritua eta Bilboko Porrue jatetxeak 7.300 euro ordaindu zituen gazta erdiagatik. Enkantean, ohi bezala, lehiaketan lehendabiziko hiru tokiak eskuratu dituzten gaztak jarriko dituzte enkantean. Saridunak 1.550 euro jasoko ditu, eta Ordiziako gazta lehiaketa irabazi izanaren ospea. Aurten ere Juan Mari Arzak sukaldaria izango da epaimahai-burua, gainerako 25 epaileen artean egongo dira Martin Berasategi, Hilario Arbelaitz, Iñigo Lavado, Pedro Subijana eta Elena Arzak sukaldariak, David de Jorge, Mikel Zeberio eta Tito Irazusta kazetariak, eta Bittor Rodrigez, Monica Castillo eta Jesus Salmeron teknikariak. Beste lehiaketak Euskal Jaietako azoka berezian gazta lehiaketak pizten du interes gehien, baina ez da egun horretan egiten den azoka bakarra. Hala, urtero bezala, Jose Migel Barandiaran plazan fruitu eta barazki-lehiaketa eta perretxiko-erakusketa egingo dituzte. Piriniar Arrazako Behi-Azienda Lehiaketa ere izango da, hau Garagartza Plazan. Abeltzainek bertako [...]
Euskal Jaietako azoka bereziaren aurkezpena
Iaz Rikardo Remiro izan zen artzain saritua eta Bilboko Porrue jatetxeak 7.300 euro ordaindu zituen gazta erdiagatik. Enkantean, ohi bezala, lehiaketan lehendabiziko hiru tokiak eskuratu dituzten gaztak jarriko dituzte enkantean. Saridunak 1.550 euro jasoko ditu, eta Ordiziako gazta lehiaketa irabazi izanaren ospea.
Aurten ere Juan Mari Arzak sukaldaria izango da epaimahai-burua, gainerako 25 epaileen artean egongo dira Martin Berasategi, Hilario Arbelaitz, Iñigo Lavado, Pedro Subijana eta Elena Arzak sukaldariak, David de Jorge, Mikel Zeberio eta Tito Irazusta kazetariak, eta Bittor Rodrigez, Monica Castillo eta Jesus Salmeron teknikariak.
Beste lehiaketak
Euskal Jaietako azoka berezian gazta lehiaketak pizten du interes gehien, baina ez da egun horretan egiten den azoka bakarra. Hala, urtero bezala, Jose Migel Barandiaran plazan fruitu eta barazki-lehiaketa eta perretxiko-erakusketa egingo dituzte.
Piriniar Arrazako Behi-Azienda Lehiaketa ere izango da, hau Garagartza Plazan. Abeltzainek bertako piriniar arrazako ganadua jarriko dute jendaurrean eta, lehiaketaz kanpo, idiskoen erakusketa ere egongo da.
Asteazkeneroko azokan izaten diren baserritarrek ere izango dute saria lortzeko aukera Plaza Nagusiko Baserritarren Postuen Aipamen Bereziak banatuko baitituzte eta Euskal Oiloen XXXI. Erakusketa eta Fernando Orozkoren Oroimenezko IX. Saria ere banatuko dituzte.
ORDIZIAKO GAZTA TXAPELKETA IRABAZI DUTEN ARTZAIN GOIERRITARRAK:
– 1984: Ignazio Imaz Irizar (Idiazabal)
– 1988: Jesus Mari Insausti (Idiazabal)
– 1994: Kontxi Aldasoro Begiristain (Mutiloa)
– 1995: Felix Goiburu Errazkin (Segura)
– 1996: Domingo Goiburu Urrestarazu (Idiazabal)
– 1997: Jesus Aranburu Urbieta (Idiazabal)
– 1999: Arantza Segurola Oiarzabal (Legazpi)
– 2002: MªAngeles Iñurrategi Arozena (Zerain)
– 2006: J. Aranburu Elkartea (Idiazabal)
– 2010: J. Aranburu Elkartea (Idiazabal)
