33 bertsomovie aurkeztu dira aurtengo Bertsomovieda lehiaketara, eta orain bozkatzeko garaia da. Igandera bitartean egongo da bertsomovie onenaren alde bozkatzeko aukera www.bertsomovieda.com orrialdean, bideoen barruan sartu eta bideoaren azpian dagoen eskua klikatuaz.
Aurkeztu diren lanen artean denetarik aurki daiteke: Minutu bat eta zazpi segundoko iraupena duen bideotik 24 minutu eta 24 segundo bitarteko bideoak aurkeztu dira, talde txiki eta handiek egindako bideoak, barruan zein kanpoan grabatutakoak, umore ukituarekin, xamurrak, sakonak, … “Aniztasun horrek, epaimahaikideen erabakia zailtzen” duela azaldu du Aitor Sarriegi Bertsomoviedako antoltzaileak.
Gipuzkoako lanak izan dira gehien bat jaso dituztenak, tartean dozena erdi goierritarrenak, eta jasotako lanen bi heren 16 urtez azpikoen modalitatekoak izan dira. Sariak apirilaren 12an banatuko dira eta sarituen izenak zertxobait lehenago jakinaraziko dituzte.
Ikusi honekin erlazioa duten albisteak:
Bertsomovieda lehiaketan 30 lanetik gora aurkeztu dituzte
Bi aste barru itxiko dute bertsomoviedan lanak aurkezteko epea
