Tobera musika eskolakoek ikasturte amaierako kontzertuak eman dituzte Seguran eta Zegaman
Tobera musika eskolako ikasleek ikasturte amaierako kontzertuak eman zituzten herenegun Seguran eta atzo Zegaman. Segurakoa Botikaxarren egin zen eta Zegamakoa plazan. 100 bat musikarik parte hartu zuten eta emanaldi bakoitzean 150 ikusle inguru egon ziren. Segurako argazkian Gangman style ezagunaren moldaketa (Zopajale naiz) jo zuten gazteak ageri dira. Zegamakoan, berriz, Dringilindron jo zuten ikasleak ageri dira. 
