Arratsaldeko jokoetan 20 bat kuadrillek parte hartuko dute
Badoaz Urretxuko Santa Anastasia jaiak. Eguraldi onaren hauspoaz Urretxuko kaleak jendez gainezka daude ostiraletik. Gaur, kuadrillen eguna da, eta gazteen elastikoek goizetik kolorez jantzi dute herria. Orain, Ederrena pilotalekuan pisaketa lanetan ari dira arratsaldeko jokoak prestatzen. Antolatzaileek aurreratu dutenez hogei bat kuadrillek parte hartuko dute 17:30ean hasi eta 19:30ean amaituko diren jokoetan. Badago gaur beste hitzordu nabarmen bat, kantu afaria, hain zuzen. Gaurkoan gainera, Anje Duhaldek parte hartuko du Abenidako kantu festan, 21:00etatik aurrera.
Ederrena pilotalekuan pisaketa lanetan ari dira oraintxe, jokoak 17:30ean hasiko dira; aurretik herri bazkaria egingo dute kuadrillek Abenidan
