Dhuna musika taldea Maizpiden ariko da
Goierriko Dhuna musika taldeak Lazkaoko Maizpide euskaltegian kontzertua egingo du, gaur (asteazkena). 21:00ak aldera hasiko da emanaldia, barnetegiko zinema aretoan. Ostiralean Antzuolan jo zuten; urriaren 17an, berriz, Ordizian ariko dira, Ordiziarrock jaialdiaren barruan. Hilaren 25ean Zerainen dute beste emanaldi bat Dhunakoek, hango kultur astean.
