Ostiralean amaituko da 'Ilintirekin oporretan' kanpaina
Elkarteko kide den komertzio bakoitzean eguzkitako batez eta hozkailu eramangarri batez osatutako lote bat zozkatuko dute bezeroen artean. Ostirala da zozketan parte hartzeko txartelak eskuratzeko azken eguna.
Abuztuko oporrak datozela eta Ilinti merkatari elkarteak martxan jarritako Ilintirekin oporretan kanpaina amaitzear dago. Ostiralera arte, Ilintiko edozein dendatan erosketak eginda, hondartzara eramateko eguzkitako batez eta hozkailu txiki eramangarri batez osatutako udako loteen zozketan sartuko dira erosleak. Dendako lote bana izango da, eta denda bakoitzean egingo dituzte zozketak.
