Gipuzkoako Elikagai Bankuak bilketa oparoa espero du bihar eta etzi
Azaroaren 7an eta 8an egingo da ohiko saltokietan.
Gipuzkoako Elikagai Bankuak bilketa erraldoia egingo du bihar eta etzi, lurralde osoko ehun establezimendu baino gehiagotan. Antolatzaileek «parte hartze handia» espero dute. Dagoeneko 2.000 lagunek baino gehiagok izena eman dute boluntario gisa.
Ohiko moduan egingo da bilketa: bezeroek supermerkatuetan kredituen bidez egin ahal izango dute ekarpena, eta horrez gain, diru-sarrerak transferentzia edo Bizum bidez ere egin daitezke. Zenbait kate handitan, kanpaina azaroaren 16ra arte luzatuko da, bilketa ahalik eta zabalena izan dadin eta baliabide faltan dauden familiei laguntzeko.
Elikagai Bankuko presidente Belen Mendez de Vigoren esanetan, «aurreko urtean bilketa ez zen espero bezain oparoa izan, DANAren ondorengo laguntza bereziek eragina izan zutelako», eta horren ondorioz, martxorako biltegiak hutsik geratu ziren. «Udaberriko kanpaina handi bati esker egoera irauli genuen, baina aurten bilketa arrakastatsua behar dugu, sustorik ez izateko eta laguntza behar duten guztiei erantzun ahal izateko», azaldu du.
Iaz, guztira 588.660 ekarpen jaso ziren: 219.554 kilo elikagai, 218.706 euro bonutan eta 87.400 euro dirutan. 2023. urtean, kopurua 636.000 ekarpenetara irisi zen.
Laguntza jasotzen duten pertsonen kopurua urtez urte apaldu bada ere, pobrezia arriskuan dauden 40.000 inguru daude Gipuzkoan.
