San Roke eguna ospatuko da gaur Zerainen
Zerainen San Roke eguna ospatuko dute gaur, festetako azken eguna izango da.
Iazko festetako toka txapelketa. / Argazkia: Maialen Igartua Gaurko egunez, urtero, Zeraingo festetan egun ederra ospatzen dute. San Roke eguna denez, egun osoko egitaraua dute zeraindarrek festetako azken egunean. Goizeko 11:30etan emango diote hasiera egunari, meza nagusiarekin. 13:00etan herriko artzainen gazta probatuko dute zeraindarrek herriko plazan; eta jarraian, 13:00etan, toka txapelketa izango da.
Arratsaldeari hasiera San Roke bola txapelketarekin emango diote, 16:00etan hasita. Herri afaria etorriko da ondoren, 20:30etan. Maialen Akizu eta Sebastian Lizaso bertsolariak izango dira afaria alaitzeko arduradunak. Afariaren ondoren, Elizagoien ahizpekin dantzaldia eta Kriseiluen aireratzea egongo da.
