Urkiko festak ospatuko dituzte gaur eta asteburuan Itsasondon
Itsasondoko Urkia auzoan Santikutz festak ospatuko dituzte, gaur eta datorren astebukaeran. Gaur, Gurutze deunaren eguna da, zaindariaren eguna, eta meza nagusia egingo dute 11:00etan. Ondoren, hamaiketakoa, Ostolaza eta Narbaiza trikitilariek girotua....
Itsasondoko Urkia auzoan Santikutz festak ospatuko dituzte, gaur eta datorren astebukaeran. Gaur, Gurutze deunaren eguna da, zaindariaren eguna, eta meza nagusia egingo dute 11:00etan. Ondoren, hamaiketakoa, Ostolaza eta Narbaiza trikitilariek girotua. Bazkari herrikoia 14:30ean izango da eta arratsaldean, 19:00etatik aurrera, berriz ere Ostolaza eta Narbaiza trikitilariekin, erromeria.
Asteburuko egitaraua
Datorren astebukaeran ere jaiak ospatuko dituzte Urkia auzoan. Larunbatean, hilak 6, 34. mus txapelketa jokatuko dute 18:30etik aurrera. 21:00etan, lagun arteko afaria egingo dute eta gauean, erromeria Laja eta Larrañaga trikitilariekin, 23:00etatik aurrera.
Igandean, hilak 7, hamaiketakoa egingo dute lehenengo, Laja II.a eta Lutxurdio trikitilariekin. 14:30ean bakari herrikoiaren txanda izango da. Arratsaldean berriz, 34. toka txapelketa jokatuko dute, 18:30ean hasita. eta ondoren, erromeria Laja II.a eta Lutxurdiorekin.
Zozketa eta bazkaria
Jaietako antolakuntzakoek jakinarazi dute, Urkiko jaien alde saski bat zozkatuko dela eta zenbaki irabazlea igandean, hilak 7, 21:00etan aterako dela.
Egun hauetako bazkari edo afarietara joateko asmoa dutenek aurrez telefonoz deitu beharko dute 943 88 93 67ra. 
