Abuztuaren 3an Baionak eta Biarritzek Donostiako Anoeta estadioan jokatuko duten Euskal Herriko I. Errugbi Kopa ikusteko sarrerak Amonane tabernan daude salgai, 10, 20, 30 eta 40 euroan. Partida 20:00etan da, eta 16:00etan euskal taldeen azoka izango da.
Ordiziako errugbizale talde batek antolatutako II. Errugbi Tokata txapelketa jokatuko da bihar, hilak 30, Altamira zelaian, 11:00etan hasita. Sei jokalariz osatutako taldeek har dezakete parte txapelketan –finalean zazpi lagunek–. Partida bakoitze...
ETB2ko Conquistour saioko taldeko probaren grabazioa ordubatak aldera bukatu da. 12:00etarako bete-bete eginda zegoen Joxemiel Barandiaran plazaren inguru osoa, eta eguzkiak ere ederki berotzen zuen. Julian Iantzi aurkezleak eta teknikariek haien lanak egiten zituzten bitartean, parte hartzaileen arrastorik ez zegoen, eta 12:30erako minutu gutxi falta zirela iritsi dira bi kapitainak: Conquistourreko kapitaina Manu Maritxalar izan da eta Ordizia Rugby Elkarteko ordezkariena Mikel Mungia. Haiei eman beharreko azalpenak eman ondoren, gainontzeko taldekideak iritsi dira plazara. Conquisekoak hauek izan dira. David Seco, Lobo, Migueliz, Isa eta Vero. Ordiziakoak, berriz, honakoak: Julen Goia, Kristina Rodriguez, Natale Sanchez, Imanol Iruarriz eta Jaun Perez. Txalo zaparrada handia jaso dute bi taldeetako kideek plazara inguratu direnean. Herri kirolak Lehiakideak iristerako dena prest zegoen plazan. Conquistourreko lehen saioan, Lizarran (Nafarroa) grabatu zenekoan, egin zuten lehia bera izan dute. Lehenik trontzan aritu behar izan dute. Bi taldeetan neskak aritu dira trontzan, eta bi-hiru epai moztuta, 30na kilo sartu behar zituzten zaku batean. Behin hori eginda, zakua eta kapitaina gurpil baten eseri, eta bi partaidek bultzatuta zakuak igotzeko tramankulura eraman behar izan dituzte zakuak eta kapitaina. Ordiziarren partetik Jaun Perezek eta Imanol Iruarrizek egin dute lan hori, eta Conquiseko ordezkarietatik Lobok eta Migueliz. Behin hara iritsitakoan, 30 bat kiloko [...]
Bestelako albiste baten berri emango du gaur Ordizia Rugby Elkarteak. Taldearentzat garrantzitsuak diren hiru jokalarik urtebeterako berritu dute kontratua; Danny Krollek, Phil Huxfordek eta Corey Simpsonek. Argazkian Kroll eta Huxford ageri dira Aitor Araña presidentearekin. Simpson ez da irudian azaltzen, oporretan baitabil. Aste hauetako kontua da Tom Parkerrek, Kesomi Lolotongak eta Toby Freemanek ez dutela taldean jarraituko du, ezta Paul Healy kirol zuzendariak ere.
Gipuzkoako Foru Aldundiak harrera ofiziala egingo dio gaur arratsaldean Ampo Ordizia errugbi taldeari. Martin Garitano diputatu nagusia, Ikerne Badiola kultura, gazteria eta kirol diputatua, Asier Sarriegi kiroletako zuzendaria, Ordiziako udal ordezkariak, Gipuzkoako Errugbi Federaziokoak eta Gipuzkoako errugbi taldeetakoak izango dira bertan. Ordiziako taldea 18:45ean iritsiko da Gipuzkoa plazara. Sarrera nagusiko ateak ireki eta gero, Garitanok eta Badiolak egingo diete harrera taldekideei. Ondoren, trono aretora igoko dira, eta ekitalditxo bat egingo dute bertan. Lehendabizi pare bat minutuko bideo bat emango dute, eta ondoren, diputazioko ordezkariek eta klubekoek hitz egingo dute. Taldeak sinatutako elastiko oparitu die Garitano eta Badiolari, eta aldundiak oroigarri bat. Ondoren, taldeko argazkia aterako dute.
Ampo Ordiziak eta VRAC Quesos Entrepinares taldeak sekulako partida jokatu zuten igandean Altamiran –zaleen eta epailearen beraren arabera denboraldiko partidarik onena izan da–, baina azken emaitza ez zen goierritarren gustukoa izan, VRAC izan bai...
Ampo Ordiziak eta VRAC Quesos Entrepinares taldeak Espainiako Ohorezko Mailako ligaren azkenaurreko jardunaldiko partida jokatuko dute igandean Altamiran, 12:00etan. Ez da edozein moduzko partida izango gainera, sailkapen buruan doazen bi taldeak direlako –VRAC-ek 62 puntu ditu eta Ampo Ordiziak 60–. Valladolideko taldeak irabazten badu, liga erregularra lehen postuan bukatuko luke, eta Ordizia gailentzen bada, lider jarriko litzateke. Liga une erabakigarrian dago. Izan ere, aurten, aurreneko aldiz, liga ez du irabaziko lehen postuan bukatzen duenak, baizik eta play off-etan ondoen moldatzen denak. Liga erregularra lehen bi postuetan bukatuz gero –azken jardunaldian Bizkaia Gernikaren aurka jokatu beharra dauka Ordiziak Urbietan–, zuzenean play off-etako finalerdietara pasako litzateke Ordizia, eta gainera etxean jokatuko luke partida bakar hori. Eta liga erregularra lehen postuan bukatzeko gai bada, finalerdiak gaindituz gero, finala bera ere Altamiran jokatuko luke. Une honetan Ordiziak izan ditzakeen aukerak dira horiek, baina horretarako, igandeko partida irabazi behar du lehenik. Joan den igandean La Vila Alacanten mendean hartu eta gero, moralez gainezka daude Axio Arañak zuzendutako mutilak, eta gauzak dauden bezala, gogor saiatuko direla partida irabazten. Bi baja izango ditu Ordiziako taldeak: Xabier Lerma eta Joan Tudela. Informazio gehiago klubaren webgunean lor daiteke.
Gaur arratsaldean jarriko dituzte salgai Ampo Ordiziak eta El Salvadorrek apirilaren 22an Palentziako La Nueva Balastera (Gaztela Leon, Espainia) jokatuko duten Espainiako Koparen finalerako sarrerak. Ordizian eta Beasainen erosi ahal izango dira, eta baita Palentziako estadioan ere. Ordizia -Ordiziako Rubgy Elkartearen egoitzan, gaurtik asteazkenera, 19:00etatik 21:30era. -Majori kiroldegia -Amonane taberna -Illunpe taberna -Sugaar taberna -Olano taberna -Vicuña Sport Beasain -Basakana taberna -Blues Brothers taberna
Hiruko txapelketa jokatu du Gernika eta Biarritz taldeen aurka
Ampo Ordiziak denboraldiko lehen garaipen handia lortu zuen atzo Altamiran, El Salvador taldeari 24-8 irabazi eta Espainiako Kopako finalerdietara sailkatuta. Iazko Kopako bi finalistak aurrez aurre izan ziren atzo, eta lehen zatian indarrak oso parekatuta egon baziren ere, bigarrenean sendo aritu ziren Axio Arañak zuzendutako mutilak, eta Kopako titulua berreste bidean beste urrats bat egin zuten. Udaberrira arte ez dira jokatuko Kopako finalerdiak, eta Ordiziak Bizkaia Gernika izango du aurkari. Finalerdietako lehen partida Altamiran jokatuko da martxoaren 2an, eta itzulikoa Gernikan, apirilaren 14an. Espainiako Kopako finala maiatzaren 5ean izango da. VRAC Quesos Entrepinaresek eta La Vilak jokatuko dute beste finalerdia. Ia lau asteko etenaren ondoren, liga datorren asteburuan jarriko da berriz abian. Ampo Ordiziak Santboiana hartuko du Altamiran.
Valladolideko Plaza Nagusiaren eta haren inguruko kaleetan nabarmena da Ampo Ordiziaren zaleen presentzia. Talde handitan, txikiagotan, bikoteka, asko izan dira Gaztelako hirira inguratu diren ordiziar eta goierritarrak. Bonboa hartuta dabilen 50 lagun inguruko talde bat da hots gehien ateratzen ari dena, kantuan, kalejiran, saltoka… Ordiziarrak gera! eta Ordiziako danborradaren eta errondallaren kantuak abesten ari dira etenik gabe. Giro eguzkitsua dago Valladoliden, baina ez du bero jasanezinik egiten. Ordubatak aldera iritsi dira Ordiziatik 09:00etan abiatuko diren sei autobusak, Burgos parean ordu erdiko geldialdia egin ondoren. Autoz iritsitako jendea ere zaleen taldeetara inguratzen ari dira pixkanaka. Bi hamabostekoak Bi ordu eta erdi eskas falta dira Ampo Ordiziaren eta VRAC Quesos Entrepinares taldeen arteko finala hasteko. Autobusean etorritakoek 16:30ean dute hitzordua Pepe Rojo estadiora inguratzeko. Ampo Ordiziako jokalari eta teknikariak atzo iluntzean abiatu ziren Ordiziatik, azken lan saioa egin ondoren. Valladolideko hotel baten egin dute lo, eta laster dira estadiora inguratzekoak. Behin betikoak ez badira ere, hauek dira bi taldeek gaurko finalean zelairatuko dituzten hamabostekoak: Vrac Quesos: Montorfano, Barnes, Blanco; Molina, Bonan; Newton, Rolls, Abril; Sevillano, Waenga; Fernández, Gorosito, Gutiérrez Muller, Llanos y N. Gutiérrez Muller. Ampo Ordizia: Abanzabalegi, Aierbe, Lolotonga; Del Río, Parker; Lerma, Tudela, Toby Freeman; Suso, Kroll; Puyadena, Goia, Corey [...]
Atzoko kontua zen VRAC Quesos Entrepinares eta Ampo Ordiziaren arteko finala ikusteko sarrerak Pepe Rojo zelaian erosi beharko zirela larunbatean bertan, baina gaurko kontua da 1.500 sarrera Ordiziara ekarriko dituzte, eta bihar eta etzi artean erosi a...
Ampo Ordiziak eta Bizkaia Gernikak Espainiako Ohorezko Mailako ligaren finalerdietako bat jokatuko dute igandean Altamiran (12:30). Kanporaketa irabazten duen taldea maiatzaren 13ko finalerako sailkatuko da, eta galtzailearentzat, berriz, denboraldiko azken partida ofiziala izango da. Inoizko jendetzarik handiena espero da igandeko partidan, eta hori dela eta, 10:00etan irekiko dituzte lehiatilak. Beste finalerdia VRAC Quesos Entrepinaresek eta Getxo Arteak jokatuko dute. Aurten lau aldiz neurtu dituzte indarrak Ordiziak eta Gernikak –bi partida ligan eta bi kopan–, eta horietako hirutan Goierriko taldea izan da nagusi. Emaitza horiek lasaitasuna ematen diete Ampo Ordiziaren jokalariei, baina alderdi txarra ere eduki dezakete, konfiantza gehiegitxorekin zelairatzea. Axio Arañak argi hitz egin du aste honetan: “Praka motzak jantzi aurretik irabazi behar dugula uste badugu, oker gaude. Denok dakigu errugbian jokatzen, eta Gernika talde sendoa da”. Ordiziak ez du aparteko bajarik finalerdiei begira. Partidaren bukaerarako, berriz, klubak deialdia egin die Altamirara inguratzen diren zale guztiei: zelaira jaits daitezela taldearekin argazki erraldoi bat ateratzeko. Finala telebistan ere ikusi ahal izango da, ETBKn. Kimuak Espainiako Txapelketan Joan den asteburuan Espainiako Txapelketa irabazi eta gero, Espainiako Txapelketan ariko dira Ordiziako Rugby Elkarteko kimuak asteburu honetan, Valladoliden. Ligaxka moduko bat jokatu beharko dute Santboiana, VRAC eta Cajasol Cienciaseko kimuen aurka.
Ampo Ordiziak bere historiako lehen final handia jokatuko du igandean Palentziako La Balastera estadioan Valladolideko El Salvador taldearen aurka, Espainiako Kopako finala. 13:00ean hasiko da finala, eta 15:00ak alderako jakingo da nor den irabazlea. Ampo Ordiziak atzo egin zuen Palentzia abiatu aurreko azkenaurreko lan saioa, eta une hori baliatu zuen Goierriko Hitza egunkariak teknikari eta jokalariekin hitz egiteko. Bai Axio Araña entrenatzaileak eta baita Paul Healy kirol zuzendariak ere “lasai” ikusten dute taldea, eta aste berezia dela ukatu gabe, lan saioetan aparteko ezer ez direla egiten ari nabarmendu dute. Arañak orain arte bezala jarraitzeko deia egin die jokalariei, eta Healy kontzentrazioa eskatzen ari zaie. Jokalarien artean, berriz, Joanes Aierbe kapitainak El Salvadorrek dituen jokalari erabakigarriei egin die aipamena, eta Imanol Iruarriz gazteak nabarmendu du kalean finalari buruz besterik ez dela hitz egiten. Azkenik, Aitor Araña presidenteak adierazi du finala irabazten badute urteetan egindako lanaren saria izango litzatekeela. Egia dena da Palentzia Goierriko zalez beteko dela asteburuan. Asko eta asko dira modu batera edo bestea Gaztela hiri horretara joango direnak, baina Ordiziak geratzen direnek izango dute non gozatua. Izan ere, udalak antolatuta, bihar iluntzean errugbi partidetako argazkiekin egindako proiekzio bat emango dute Plaza Nagusian (19:00-21:00), eta jokalari guztiek sinatutako elastiko bat [...]
Igandean jokatuko da Espainiako Ohorezko Mailako liga erregularraren azken jardunaldia. Ampo Ordiziak Bizkaia Gernikaren aurka jokatuko du Urbieta zelaian, 12:30ean. Bi taldeei komeni zaie partida irabaztea. Ordiziak bigarren postua eskuratzeko lortu nahi du garaipena, eta Gernikak laugarren postua eskuratzeko. Hala ere, bi taldeentzat ez da nahikoa puntuak lortzea, haien aurkari zuzenek zer egiten duten ikusi beharko dute, eta bi taldeek zelai berari begira egongo dira, La Vilak eta Santboianak Alacanten jokatuko duten partidari begira. La Vilak irabazten badu eta Ordiziak ere bai, Ordizia bigarren sailkatuko litzateke eta La Vila laugarren. Santboianak irabazi balu, berriz, Kataluniako taldea sailkatu litzateke bigarren, Ordizia hirugarrena izango litzateke, eta Bizkaia Gernikak laugarren postua eskuratzeko aukera izango luke, baldin eta Ordiziari irabazten badio. Irabazi, eta zain egon, hori da bi euskal taldeek igandean egin behar dutena. Urbietako partida zirraragarria izatea espero da. Euria egingo du asteburuan, eta Gernikako zelaia lokaztuta egongo da seguru asko. Joko molde ezberdineko taldeak dira Gernika eta Ordizia, eta zelaiaren egoera ikusita, bizkaitarrek abantaila dutela pentsa daiteke. Hala ere, Axio Araña Ampo Ordiziaren entrenatzaileak ez du aitzakiari jarri nahi, eta dakiten bezala jokatuz gero puntuekin itzultzeko aukera ikusten du. Etziko partidarako Xabier Lerma eta Joan Tudela berreskuratu ditu Arañak. Sailkapenari buruzko informazioa [...]
Markagailuak bestelakorik erakusten duen arren, Ampo Ordiziak borroka latz eginda hartu zuen mendean atzo Cajasol Ciencias Sevilla Altamiran (36-15). Espainiarrek talde sendoa dutela eta edonori irabazteko gai direla erakutsi zuten, eta atsedenaldira aurretik joan baziren ere, bigarrenean goierritarrak askosaz ere hobeto aritu ziren, eta lehia irabazteaz gain, erasoko puntu gehigarria ere lortu zuten bost entsegu sartu zituztelako. Ampo Ordizia bigarrena da orain sailkapenean Santboianarekin 55 puntura berdinduta –kataluniarrak partida bat gutxiagorekin daude–, eta VRAC Quesos Entrepinares jarri da lidera, La Vila iazko txapeldunari erraz irabazi baitio asteburuan. Valladolideko taldeak 57 puntu ditu. Ordizia Rugbyren webgunean ikus daiteke sailkapen osoa. Datozen bi asteburuetan ez da Espainiako Ohorezko Mailako partidarik jokatuko, eta apirilaren 1ean jokatuko du Ampo Ordiziak hurrengo partida Alacanten La Vila taldearen aurka.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
