Mozorroen egunarekin batera herri kirol ikuskizuna egin dute Ormaiztegin.
Euripean baina pozik ari dira ormaiztegiarrak Ander Deunaren jaietako mozorroen eguna ospatzen. Eguerdi partean herri kirol ikuskizuna egin dute. Harri jasotzen, Joseba Ostolaza eta Udane Ostolaza aritu dira. Aizkoran berriz, Iñaki Azurmendi, Irati Astondoa eta Maika Aristegi. Jende ugari gerturatu da ikuskizunaz gozatzera.
Eguerdi partean baita ere, kuadrillak hasi dira kalera ateratzen, zein baino zein mozorro koloretsuagoarekin. Zubipe kiroldegian bazkaltzeko elkartu dira guztiak. Mahai ondo luzearen ostean, 18:15ean kiroldigitik herrian barena joango dira kuadrillak Elektropatxarangak lagunduta. 20:00etan berriz, mozorro onenei sariak banatuko dizkiete eliza ondoko karpan. Gauean, Iratzar talearen erromeria izango da.
Bihar, igandea, Odolki Eguna egingo dute. 11:etan ekingo diote eta eguerdi aldera jakingo da aurtengo irabazlea zein den.
Ander Deuna eguneko argazkiak hemen:
