Errigora, herrialdeen arteko zubigintza lantzen
Nafarroa hegoaldeko nekazal produktuen bidez euskalgintza lantzeko sortutako proiektua kanpaina berriarekin dator. Zubigintza eta herrilana oinarri hartuta, laguntza sarea zabaltzen jarraitzen dute.
Auzolana, herrilana, zubigintza. Errigora egitasmoaren kanpaina berriaren goiburuak dira. Nafarroa hegoaldeko euskara eta nekazaritza bultzatzeko ekimena elkartasunean eta elkarlanean oinarritzen da. Urtez urte zabaltzen doan proiektua da, eta kopuruak ere gorako bidean doaz. Iazko udazkeneko kanpainan 14.000 saski banatu dituzten, eta 175.000 euro bideratu zituzten euskalgintzako proiektuetara. Aurtengo udaberrian berriz, 85.000 litro olio banatu dituzte, 208.000 euroko laguntza lortuz.
Gaurtik azaroaren 14ra bitartean jarriko dute martxan Errigoraren udazkeneko kanpaina berria. «Zubiak eraiki eta gurutzatu» nahi dituztela diote arduradunek. Herrialde ezberdinetako herritarren arteko zubiak batetik; lurraren eta euskararen artekoak, nekazarien eta euskaltzaleen artekoak bestetik.
Herrilana da aurtengo kanpainaren beste goiburuetako bat, eta azken urteetan egin duten bezala, auzolanean bilduko dituzte herrietara bidali beharreko kaxak. Azaroaren 2, 3 eta 4an elkartuko dira Erriberako Ablitas herrian. «Auzolan ariketa erraldoia» egin nahi dutela azaldu dute antolatzaileek. Porrotx pailazoa bertan izango da, inguruko herrietako umeekin; ekoizleak, Erribera aldeko euskaltzaleak eta saskiak prestatzera joandako boluntarioak ere elkartuko dira bertan.
Baina Euskal Herri mailan osatzen ari diren laguntzaile sarea ere herrilan horren barruan kokatzen dute. Gero eta puntu gehiago dituzte Euskal Herrian barrena, denak ere boluntarioen eta auzolanaren bidez osatutakoak. Goierrin bertan, aurteneskaerak eta saskiak jasotzeko 34 puntu izango dira. Eta horiez gain, hainbat lantegitan ere antolatu dituzte saskiak jasotzeko taldeak.
Bi saski aukeran
Pasa den urteko ErrigoraGo kanpainan produktuen eskaintza zabaltzeko apustua egin zuten, eta aurten ere bi saski mota jarriko dituzte aukeran, zuria eta beltza. Guztira, Erriberako 25 ekoizlek parte hartu dute, beraien produktuak eskainiz, iaz baino 3 gehiagok.
Saskiak eskatzeko bi bide egongo dira. Goierriko ohiko puntuetan edo herri bakoitzeko arduradunekin harremanetan jarrita eska daitezke. Internet bidez ere badago eskaerak egiteko aukera, errigora.eus webgu-nean. Azaroren 14a da eskaerak jasotzeko azken eguna, eta banaketa, azaroaren 23tik abenduaren 3ra bitartean egingo dute.
Kanpainak irauten duen bitartean, Errigoraren karpa herriz herri ibiliko da Euskal Herri osoan zehar, Errigora ekimena zer den erakusteko eta kanpainaren berri emateko, eta bide batez, «euskal herrien arteko zubiak» sendotzeko.
Pasa den urteko ErrigoraGo kanpainan produktuen eskaintza zabaltzeko apustua egin zuten, eta aurten ere bi saski mota jarriko dituzte aukeran, zuria eta beltza. Guztira, Erriberako 25 ekoizlek parte hartu dute, beraien produktuak eskainiz, iaz baino 3 gehiagok.
Saskiak eskatzeko bi bide egongo dira. Goierriko ohiko puntuetan edo herri bakoitzeko arduradunekin harremanetan jarrita eska daitezke. Internet bidez ere badago eskaerak egiteko aukera, errigora.eus webgu-nean. Azaroren 14a da eskaerak jasotzeko azken eguna, eta banaketa, azaroaren 23tik abenduaren 3ra bitartean egingo dute.
Kanpainak irauten duen bitartean, Errigoraren karpa herriz herri ibiliko da Euskal Herri osoan zehar, Errigora ekimena zer den erakusteko eta kanpainaren berri emateko, eta bide batez, «euskal herrien arteko zubiak» sendotzeko.
34
Goierriko eskaera puntuak. Errigorako saskiak eskatu eta jasotzeko 34 puntu antolatu dituzte Goierrin, udazkeneko kanpainari begira. Eskatzeko puntuak: · Arama. Herriko ostatua. · Ataun: Troskaeta taberna. · Beasain: Basakana, Antzizar, Goiztiri AEK euskaltegia, Andramendi ikastola eta Herri Denda. · Ezkio-Itsaso: Udaletxea. · Gabiria: Herriko ostatua. · Idiazabal: Xume taberna. · Itsasondo: Kaxintane taberna. · Lazkao: Gerriko liburudenda eta San Benito ikastola. · Legazpi: Katilu taberna, Arantxa okindegia, Haztegi ikastola. · Legorreta: Olaso taberna. · Mutiloa: Herriko ostatua. · Olaberria: Zezilione taberna. · Ordizia: Goierriko Baratza, Argi Berri elkartea, Jakintza ikastola eta Goiztiri AEK. · Ormaiztegi: (zehazteko). · Segura: Elorripe taberna eta udaletxea. · Urretxu: Motz eta Frontoi tabernak, eta UZ ikastola. · Zaldibia: Joxepane taberna. · Zegama: Haizea taberna. · Zerain: Mandio eta Ostatu tabernak. · Zumarraga: Saski taberna. Lantokiak · Ampo, CAF, Indar, Orkli eta Irizar.
