Donejakue Bideen Lagunak elkarteak Beasainen ospatuko du aurten Santiago eguna, astelehenean. Hildako elkarteko kideen aldeko meza egingo dute 12:00etan, San Martinen. Handik Igartza Multzoa bisitatzera joango dira. Aranzadi Elkarteko Juantxo Agirre...
Bihar goizetik astelehenera luzatuko da irteera, oporren aurreko azkena; Aigüestortes i Estany s. Maurici Parke Nazionala ezagutuko dute mendizaleek.
Segurako Udalak ekainaren 29an egindako udalaren osaketa plenoan eratu zituen batzordeak. Zinegotzi bakoitzak batzorde jakin batzuen ardura hartu zuen. Eluska Gerrikok Hirigintza eta Garapen Ekonomikoa batzordea gidatuko du. Ibai Telleriak Zerbitzu e...
Adineko bi emakumek, bizi diren zahar-etxetik ihes egiten dutenean hasten da istorioa; 13:00etan emango zaio hasiera antzezlanari Areizaga-Kalebarren plazan.
Azken bi urteetan indar handia hartu du Bareak merkatari eta ostalarien elkarteak. Gero eta ekintza gehiago antolatzen dituzte, eta bazkide eta bezero kopurua handitzea lortu dute. Elkarteak ordea, behar batzuk ere baditu, eta horiei aurre egiten laguntzeko alderdi politiko guztiekin elkartu ziren iaz, beraien beharrak eta nahiak azaltzeko. Udal berria osatuta, elkartearen eta udalaren arteko elkarlana bultzatzen jarraitu nahi dutela azaldu du Carlos Gonzalezek (Donostia, 1964), Bareakeko bozeramaileak. Iazko hasitako bilera sortari aurten jarraipena eman diozue. Hauteskundeen aurretik, ahal izan genuen alderdiekin bildu ginen, baina ez denekin. Hori izan da bileren gabezietako bat, batez ere kontuan hartuta, aurreko urtean alderdi guztiekin elkartu ginela, salbuespenik gabe. Sorturekin, EAJrekin, eta Hamaikabatekin bildu gara azken bilera sortan. Guk alderdi guztiekin bildu nahi genuen, baina Ezker Batuak ez zuen agendan tokirik izan eta PSE-EErekin eta PPrekin genituen hitzorduek kale egin zuten koordinazio arazoengatik. Zein gai landu dituzue orain arteko bileretan? Bareakek azken urteetan izan duen garapena zein izan den azaldu genien, hori oso interesgarria zela iruditzen zitzaigulako. Zein ekintza egiten ditugun, komunikabideetan dugun presentzia zein den, bazkide eta bezero aldetik zenbat hazi garen… azaldu genien, arlo horietan salto kualitatibo handia eman dugulako. Eskariak zein alorretan egin dituzue? Bost puntutan banatutako eskerak izan dira. Lehen [...]
Aurreko asteburuan motorrak berotzen hasi eta gero, bihartik aurrera ospatuko dituzte Santa Ana jaiak Ordizian. Tradiziozko ekitaldiak eta azken urteetan indarra hartu dutenak uztartzen ditu egitarauak. Besteak beste, danborrada, matutina eta santanazaleen esku-dantza izango dira datozen egunetako osagaiak. Aurtengo jaiek ekarriko duten berrikuntzetako bat, zezen plazaren kokapena da, aurten lekuz aldatuko baitute. San Bartolome auzoan egiten ari diren aparkalekuetarako berdindu duten orubea aprobetxatuko dute horretarako. Zezen plaza horretan, ekitaldi ugari izango dira, igandetik aurrera, El Albero zezenzale peñak antolatuta. Kuadrillen arteko VII. Bigantxa-Futbol Txapelketa egingo dute igandean. Astelehenean berriz, Trial Show-a izango da, hura ere, San Bartolomen. Asteartean bigantxak aterako dituzte eta asteazkenean ere futbol lehia izango da, baina junior mailakoa. Marotiasen omenezko proba Urte osoan bezala, festetan ere, kirol ekitaldiei garrantzia handia ematen zaie Ordizian. Hala, bi txirrindulari proba izango dituzte datozen egunetan. Sona handiena duena, asteleheneko Ordiziako Klasika bada ere, ez da bakarra. Bihar, Jose Ramon Marotiasen omenezko X. proba egingo dute. Erlojuaren kontrako taldekako Gipuzkoako txapelketa izango da jokoan, jubenil eta kadete mailan. Ordiziako Txirrindulari Elkarteak antolatzen duen proba berezia da; «urte osoan bakarra lehiatzen dute maila hauetako txirrindulariek». Kadete mailakoek, 20 kilometroko ibilbidea egin beharko dute, Gudarien etorbidetik abiatuta, Alegiaraino joan eta etorri egin beharko dute. [...]
Iritsi da gabiriarrek azaroan grabatu zuten film laburra ikusteko eguna. Orduan herriko toki askotan grabatutako sekuentziak batu eta pelikula nola geratu den bihar ikusi ahalko dute, estreinaldian, 22:30a aldera, plazan. Gazteen ekimenez egin da filma. Azken hilabeteetan pelikularen edizioa egiten eta beste eszena batzuk hartzen aritu dira. Lan horretan Alex Areizaga aritu da. Aritz Ormazabal ibili da kameralari eta diseinu lanetan, eta Haritz Berasategi arduratu da soinu teknikari zereginaz. Filmak apustu gosez bizi den herria irudikatzen du. Erronka, desafio eta apustuak azaltzen dira pelikulan, umorearekin uztartuta. Ikusleak barre egingo duela aurreratu dute egileek. Hala ere, amaieran parabola baten bidez zer pentsatua emango dio ikusleari. Jende aurrean aurkeztu ondoren, kopiak herritarren eskuragarri jartzeko asmoa dute egileek. Aurretik afaria Filma ikusi aurretik, gabiriarrek herri afaria egingo dute. Grabaketa eguneko oroitzapenak berritzeko garaia izango da afal ordua. Ondoren lana ikusteko unea etorriko da, norberak egindako aktore lana gogoratu eta barre egiteko. Filmaren atzetik, beste oroitzapen batzuk berritzeko irudi gehiago emango dituzte, duela urte batzutako festetako bideoa eta argazkiak, adibidez.
Ekainaren 10ean abiatu zen Erromatik Ioseba Izagirre (Ormaiztegi, 1980) Donejakue bidea egiteko. Santiagora abuztuaren 6an iristea du kalkulatuta, eta handik Fisterrara joango da. Guztira bi hilabete inguruko bidaia ari da egiten. Orreagara (Nafarroa) aurreko asteburuan irtsi zen, eta Santiago egunak Burgosen (Espainia) harrapatuko du astelehenean. Zergatik erabaki zenuen bidea egiteko Erromatik hastea? Orreagatik eta beste leku batzuetatik dagoeneko dezentetan eginda daukat, eta pixka bat aldatu nahi nuen. Lagun batek esan zidan bere lagun batek egina zuela, eta informazioa biltzen hasi nintzen. Erronka polita iruditu zitzaidan, eta egitea erabaki nuen. Italia eta Frantzia zeharkatu dituzu, eta, Nafarroatik igaro ondoren, Espainian sartu zara. Non ibili zara ondoen? Orain arte, zati guztiek denetik izan dute, eta Espainian ere hala izango da. Adibidez, Italian oso gustura ibili nintzen, batez ere italiarrek duten jarreragatik. Asko hitz egiten dute, eta laguntzeko prest daude beti. Ibilbidea ere oso polita zen, baina Frantziakoa gehiago gustatu zait. Jendearen jarrera ordea, batere ez. Ez zuten laguntzen, eta zerbait galdetu eta beste aldera begiratzen zuten.Baina jende ona ere aurkitu dudala esan behar dut. Ez da lehen aldia Donejakue bidea egiten duzuna. Zer du horrenbeste erakartzeko? Nik uste dut bide guztiek izan dutela esanahiren bat. Aurrenekoa nahi nuelako egin nuen, gai nintzen [...]
Ormaiztegiko Izagirre Anaiak Jarraitzaile Taldeak datorren astelehenerako, uztailak 25, goiz pasa antolatu du. Ordiziako Klasika jokatuko da, eta ormaiztegiar txirrinduzaleek herrikideak animatzera joateko txangoa prestatu duela jakinarazi du. Oraingoz...
Ordiziako jaien barruan, txosnek eta gaztetxeak antolatutako egitarauan, manifestazioa deituta dago igande arratsalderako, Euskal presoak beraien eskubideen jabe lemapean. PP alderdiko Carlos Urquijo legebiltzarkideak, martxa hori debekatu dezala eskat...
Noticias de Gipuzkoa egunkariak (http://www.noticiasdegipuzkoa.com/vecinos/urola-garaia) elkarrizketa egin berri dio Oihane Zabaletari, Urretxuko alkatea berriari; dituzten asmoez eta pertsonalki suposatu dionaz...
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
