
Ataun San Martin auzoko azaroko festak antolatzeko bigarren batzarra gaur egingo dute, aurreko astekoaren ondotik. Oargi elkartean 19:30ean da bilera. Egitarauko ekitaldiak finkatzen jarraituko dute. Aurrerantzean bilerak astero egiteko asmoa daukate.

Edukiontzi marroiera hondakinak botatzeko poltsak makinen bidez banatuko dituzte aurrerantzean Beasainen. Sasieta Mankomunitateak hiru makina jarriko ditu horretarako herriko hiru gunetan: Ezkiaga auzkoko KZgunean, Loinazko San Martin plazako liburutegi ondoko kultur etxeko sarreran, eta Antzizar kiroldegian. Poltsak eskuratu ahal izateko, erabiltzaile guztiek txartel pertsonalizatu bat beharko dutela azaldu du Enrike Enparantza Sasietako teknikariak. Urriko lehen bi asteetan postaz banatuko dituzte txartelak. Makina bakoitzean, 400 poltsa inguru jarriko dituzte, multzo ezberdinetan banatuta, eta «momentuz, erabiltzaileek hiru hilean behin hartu ahalko dute sorta berria makinatik». Lehen sorta hartutakoan, makinak berak adieraziko dio txarteldun bakoitzari noiz hartu ahalko dituen berriz. Enparantzak zehaztu duenez, «baliteke denborarekin hiru hilabeteko muga, bi hilabetera jaistea». Izan ere, etxe bakoitzean ohitura ezberdinak daude, eta baliteke familiabatzuek poltsa gehiago behar izatea. «Halako kasuan daudenei, txartela erabiltzeko maiztasuna aldatuko diegu». Poltsak hartu nahi dituztenek, makinan txartelaren marrazkia duen puntu laranjara gerturatu behar dute txartela, eta poltsak, automatikoki eskuratuko dituzte. Makinako poltsak, orain artekoen aldean handiagoak direla ere azaldu du Enparantzak. «Orain arte poltsak asko betetzen zirenean kosta egiten zen korapiloa egitea. Horregatik, aurrerantzean, poltsa handiagoak banatuko ditugu». Bulego berrira doazelako Orain arte, poltsa berriak eskuratu ahal izateko, jendea bulegora joaten zela jakinarazi du Enparantzak. Datozen asteetan ordea, Ormaiztegira doan errepide [...]

Urretxu-Zumarragako biribilgune berria abuztuan eraiki da; eta Argixaoko tunelean argiak jartzen dabiltza.

Ehunmiliak eta Goierriko Bi Handiak probako antolatzaileek iragarri dutenez, 2012an ere antolatuko dituzte bi lasterketak. Uztailaren 13tik 15erako asteburuan izango dira. Mikel Valdibielsok azaldu duenez, «jendeak hala eskatu duelako antolatuko ditugu probak datorren urtean ere». Izan ere, korrikalariek, boluntario lanetan aritu direnek eta probako antolatzaileek, lasterketen inguruan hitz onak besterik ez dituzte izan bi urte hauetan, eta ekonomikoki zituzten arazoak ere gainditu dituztenez, berriz lanari ekitea erabaki dute. Momentuz, dendarekin Lasterketak antolatzeko erabakia hartuta, «oraindik hobetzeko dauden puntuetan» hasiko dira lanean antolatzaileak. Valdibielsok azaldu duenez, aurten ere webgunea berritzeko asmoa dute, eta informazio mailan ere hainbat hobekuntza egin nahi dituzte. Beasainen lanean aritzen den taldea ere handitu nahi dutela esan du antolatzaileen buruak, aurreko urteetan eskas antzean ibili direla argudiatuz. Lan horiekin hasi aurretik ordea, Beasainen duten denda indartu nahi dute, eta gogorarazi dute lokala irekita dagoela egunero 17:30etik 20:00etara. Lasterketaren inguruko arropa eta bestelako materiala izaten dute salgai bulegoan.

Legazpiko Bertso Olariak bertso eskolak urriaren 7an hasiko du ikasturte berria. 18:00etan elkartuko dira, bertsolariek Itxaropen kalean duten egoitzan. Interesa dutenekin egunak eta orduak banatuko dituzte egun horretan. Izena emateko eskuorriak ik...

Goierriko atletismo proba jendetsuena beste behin arrakasta betekoa izan da, «perfektu atera da», antolatzaileen esanetan. Aldagai guztiak aldeko izan ditu Josetxo Imazen Omeneko XI. Krosak: eguraldi eguzkitsua eta gozoa —azkenerako bero antzera—, korrikarako giro apartekoa, partaidetza jendetsua eta kalitatezkoa. Goierri beheko hiru herrigune hazienetatik igarotzen den korrikaldia 969 lagunek osatu zuten, herenegun. Izena emanda 1.072 zeuden. Gontzal Sanz gasteiztarrak irabazi du krosa, 30:30 minuturekin. Sasoiko dagoela erakutsi du fondoko korrikalariak. Elhassan Oubaddi marokoar jatorriko atletari 13 segundoko aldea atera dio, eta hustuta iritsi zen Jon Arozena irundarrari 17koa. Eguneko izarra, garailearen eta gainontzeko atleta herrikoien baimenez, Trihas Gebre Aunoon izan zen. Donostian bizi den etiopiar jatorriko emakumeak egundoko lasterketa osatu zuen. Emakumezkoen saileko denbora marka puskatu du, errekorra 33:03 minutuan jarrita. Diru saria bikoiztu zuen horrela (600 euro). Sailkapen orokorrean 10. egin zuen. Denera 132 emakumezko ziren, guztizkoaren %14. Emakumezkoetan 2009an irabazi zuen Raquel Llamasek bigarren postuarekin konformatu behar izan du aurten, Gebrerekiko hiru minutura. Ibilgiro bikainarekin ekin zioten ia mila korrikalarik lanari, Lazkaoko Hirigoien kalearen hasieran. Herrigunean bi kilometro osatuta, Ordizia eta Beasain zeharkatu zituzten gero. Lehen birarako zortzi atleta jarri ziren buruan; atzenean lehen zazpi postuetan sailkatu zirenak, eta Iñaki Gebrero. Min hartu zuen gipuzkoarrak, eta lasterketa bukatzea [...]

Zingi Zango elkartearen berripapereko azken aleko lehiaketa Ibon Gurrutxagak eta Unai Etxarrik irabazi dute. Gurrutxagak Goierriko Hitzaren urtebeteko harpidetza jasoko du eta Etxarrik, berriz, Zingizango elkartearen materiala. Gurrutxagarekin Goierrik...

Hitzarok, Jakintza dantza taldeak eta udalak antolatu duten dantza ikastaroan izena emateko aukera badago oraindik, urriaren 5era arte. Eskolak larunbatero emango dituzte, Majori kiroldegian. Aurten bi talde izango dira, oinarrizkoa (15:30-16:30) eta j...

Goierri Garaiko Ideia Berritzaileen Sarea da Sortzen, eta enpresak proiektu berritzaileetan bilakatzeko asmoa dute.

Hirugarren urtez antolatu dute arriarandarrek mendi duatloia. Aurten ordea, berrikuntzekin dator: I. Euskal Herriko mendi duatloiaren zirkuituko proba izango baita. Zortzi proba izango ditu Hego Euskal Herri mailan osatu den zirkuituak. Era honetan, mendi duatloia indartu eta herritartu nahi dute. Urriko lehenengo larunbatean izaten da Beasaingo Arriaran auzoko mendi duatloia. 6,8 kilometro korrika eta 14 kilometro mendiko bizikletan egiten dituzte kirolariek, arriarandarrek auzolanean prestatutako ibilbidean. Orain arteko bi edizioetan, Gipuzkoako eta Euskadiko txapelketak jokatu dira proba horretan. Dena den, antolatzaileek ez zuten esperientzia onik eduki antolaketa modu honekin. “Aurreko bi edizioak federazioarekin batera antolatu ditugu. Lehenengo edizioa, Nafarroan federatuta zegoen gipuzkoar batek irabazi zuen baina ez zioten saririk eman, ez zegoelako Gipuzkoan federatuta. Bigarren urtean, nafar batek irabazi zuen eta hari ere ez zioten eman, nafarra zelako. Bigarrena, gipuzkoarra izan zen, baina federatu gabea eta hari ere ez zioten saririk eman. Nahiko erreta geunden gai horrekin”, argitu du Aitor Mendizabalek, Arriarango Intxaurpe Elkarteko Kirol batzordeko kideak. Bi probetan izan ziren “arazo” horiek abiapuntu hartuta, “Ibarrako taldearekin elkartu ginen, beraiek ere mendi duatloi lasterketa bat antolatu nahi zutela eta. Federazioarekin zein arazo genituen azaldu genien. Gainerako herrietakoei ere azaldu genien egoera eta proposamen bat egin genuen Euskal Herri mailako probak antolatzeko, [...]

Bi proba izan dira, bi egunetan zehar; larunbatean mendiko bizikleten txanda izan zen, eta igandean, jendetsuena, errepideko bizikletarena.

Caja Rural taldeko Daniel Plazak irabazi du I. Zaldibiako Saria lasterketa eta Euskaldun Toneoko azken proba. Bigarren Airan Fernandez taldekidea sailkatu da, eta hirugarren Cespa-Euskadi taldeko Unai Elorriaga. Lehen goierritarra Bidelan-Kirolgi talde...

San Migel egunaren harira antolatutako ekitaldietan herritar ugarik parte hartu dute, eta beraz, festa giroa izan da nagusi asteburuan Ormaiztegin. Larunbat goizean, XVII. Mendi Bizikletan martxan 60 lagunek parte hartu zuten. Adin guztietako zaleak bildu ziren, gainera, Maixune etxearen ondoan, proba egin asmoz. Helduek 23 kilomeroko ibilbidea osatu behar izan zuten, eta gaztetxoek 20 kilometrokoa. Bukaeran hamaiketakoa egiteko aukera izan zuten, eta parte hartzaileen artean materiala ere zozkatu zuten antolatzaileek. Toka eta Harrikalari Lehiaketak Eguerdiko hamabietan XX. Toka Lehiaketa egin zuten. 25 lagunek parte hartu zuten, eta Unai Etxarrik irabazi zuen lehiaketa. Garaikurra eta arkumea etxeratu zituen irabazleak. Ondoren, XVI. Harrikalari Txapelketa herrikoia egin zuten Berjaldegi zelaian. 30 lagun ausartu ziren 2.080 gramoko harria botatzera. Urrutien bota zuena Borja Irizar izan zen, eta beraz, berak eskuratu zuen lehen saria: garaikurra eta harriaren pisua txuletatan. Arratsaldean 16:30etik aurrera XXI. San Migel Mus Lehiaketa egin zuten. Enbido eta hordagoka aritu eta gero, Gorka Holgadok eta Asier Etxarrik osatutako bikoteak eskuratu zuen lehen saria. Bigarren Urko Mazorriaga eta Iñaki Iurrita sailkatu ziren, eta hirugarren Julio Galindo eta Joxe Izagirre. Arratsaldean Ormaiztegiko haurrek hainbat jolasetan ibiltzeko aukera izan zuten, hala nola, koskolak biltzen, zaku lasterketan, aulki jokoan eta puxikak puskatzen. Ederki asko pasatu zuten [...]

“Legazpi Musika Banda”ren emanaldia 13:00etan Latxartegi Aretoan.

“Indonesia: kultura ezberdinak”. Egilea: Josu Altzelai. 20:00etan kultur etxean.

Larunbatean egingo dute Arrirango urtegiaren inguruan duatloia. Aurten gainera, Euskal Herriko I. Mendi Zirkuiturako puntuagarria izango daproba. Larunbatean, 16:00etan hasiko da helduen proba, eta bertan parte hartzeko aste honetan eman behar da izena mendiduatloia.com helbidean. Hirugarren urtea da Intxaurpe elkarteak, Trigoi Triatloi Taldeko kideekin batera, proba antolatzen duena. Aurten, baina, hainbat aldaketa egin behar izan dituzte ibilbidean, abiadura handiko trena egiteko lanak direla ere, ohiko zirkuitua ez baitago erabilgarri. Beste behin, auzolanari esker, proba egin ahal izateko bide berriak egin dituzte, izan ere, ibilbideko hainbat gunetan atxurrak eskuan hartuta osatu behar izan dute zirkuitua, hainbat pinuditan barrena. 18 kilometro Zailtasunak zailtasun, sei kilometroko ibilbidea antolatu dute. Korrika itzuli bat egin beharko dute larunbatean parte hartzaileek, eta mendiko bizikleta gainean bi itzuli. Guztira, beraz, hemezortzi kilometroko proba izango da. Zirkuitua «gora-beheratsua eta polita» dela aurreratu dute antolatzaileek, «lehorrean ondo egiten dena, baina euria egiten badu zati batzuetan lokatzak zaildu egiten du ibilbidea». Larunbatean Arriranen egongo diren kirolarien artean daude, adibidez, Trigoi taldeko Jon Erguin eta Luis Mari Irizar herritarrak, Unai Yus, Juan Nieva eta Endika Garcia. Antolatzaileek jakitera eman dutenez, helmugara iristen diren parte hartzaile guztiek jasoko dituzte Euskal Herriko zirkuiturako baliogarriak diren puntuak.

Argazkia: Aitor Casado Aizkorrin Barrena mendi martxaren laugarren urteak marka guztiak hautsi ditu. 1.030 parte hartzaile izan ditu, inoiz baino gehiago. Orain arteko urte jendetsuenean 600ndik gora lagunek hartu zuten parte. Aurtengo 1.03 ibiltari...