Legazpiko Gaztetxeko Gazteak taldearen eta Ilintxaren arteko partida azken honek irabazi du, 1 eta 8ko emaitzarekin. Gaztetxeko jokalariak aurretik jarri dira, baina partida amaieran Ilintxakoak nabarmen nagusitu dira. Zelaian, ordea, aurkariak baino gehiago, lagunak aritu dira gaur jokoan. Izan ere, Legazpiko Gazteak Kirol Elkartea sortu zela 10 urte betetzen dira, eta urteurrena ospatzeko herriko bi futbol taldeen arteko neurketa antolatu dute. Euria eta hotza izan dituzte lagun Bikuña zelaian egon diren ikusleek, baina eguraldiak ezin izan du ospakizun giroa ilundu. Armailak beteta zeuden, eta animo ohiuak etengabekoak izan dira. Iker Azpeitiak zehaztu duenez, “lagun arteko partida izan da gaurkoa, eta beraz, giro ona ziurtatuta zegoen”. Partida amaituta, elkarrekin afalduko dute orain bi taldeetako jokalariek. Futbolean eta pilotan jokatzeko Legazpiko Gazteak taldea herrian futbolean jokatu nahi zuten gazteei aukera emateko sortu zuten gaztetxeko kideek. Ilintxan jokatzeko aukerarik ez zutenak, baina futbolean jokatu nahi zutenak elkartu ziren orain hamar urte taldea sortzeko, eta urte horietan guztietan, ordea, hainbat urtez taldea geldirik egon da. Hasierako hiru urteetan erregional mailan jokatu zuten, eta hirugarren urtean mailaz igo ziren. Ilintxaren maila berdinean jolasten hasi ziren orduan, eta herrian derbi politak jokatzen zituztela gogoan dute gazte legazpiar askok. Garai haiek gogoan, fútbol zazpi txapelketa eta pilota [...]
Gizonezko bat atxilotu dute Beasainen, taberna batean langileen, bezeroen eta adin txikikoen aurrean masturbatzeagatik. Herrizaingo Sailak jakitera eman duenez, exibizionismoa egotzita atxilotu egin dute 52 urteko gizonezkoa. Gertakariak atzo gauean ge...
Bareak merkatari eta ostalarien elkartea denda-ardo azoka ari da egiten atzotik Bideluze plazan. Hamabi upategitako ardoa dastatzeko aukera dago, hamar etxolatan banatuta. Atzo arratsaldean ireki zituzten lehen aldiz etxolak, eta Bareaketik adierazi dutenez, “eguraldiak asko laguntzen ez badu ere, jende dezente ari da mugitzen”. Atzo arratsaldean, esaterako, “une batean euririk ez zuen egin eta inguru guztia jendez bete zen”. Eguzkitik babesteko sonbrillak euritik babesteko ari dira erabiltzen elkarteko tabernariak. Azoka gaur arratsaldean ere irekita egongo da, 18:30etik 22:00etara arte. Gaur izango da azken eguna. Aurtengo berrikuntzen artean, eguerdian egin duten bazkaria izan da. 180 lagun inguru elkartu dira Loinazko San Martin plaza azpian, paella jateko. Elkarteko kideak, upategietakoak eta herritarrak elkartu dira. Goizean goizetik hasi dira sukaldariak paella egiten. Azken hilabeteetan, elkarteko dendetan erosketak egin dituztenen artean zenbakiak banatu dituzte, eta ONCEko zozketarekin bat eginez, zenbaki saridunen jabeek bazkarirako txartela lortu dute. Azokak irauten duen bitartean elkarteko kide egiten direnei Bareakek atera dituen kamiseta eskuratuko dute. Elkartearen logoaren marrazkia daramate kamisetek, kirola egiteko aproposak. Dagoeneko bazkide denak, berriz, kamiseta erosteko aukera ere badu. Azokaren azken txanpan erosketak egiten dituztenek elkarteak zozkatu dituen ardo kopak eskuratzeko aukera du oraindik. Izan ere, ekimen honekin, elkarteko denda eta tabernen arteko elkarlana bultzatu nahi izan [...]
Jose Manuel Azpeitiaren lotería administrazioan 771.491 euroko saria banatu dute. Loteria Primitiva izeneko zozketan izan da, osteguneko sariketan. Zorteduna nor den ez dakite, baina lau euro jokatu eta 128 milioi pezeta baino gehiago eskuratu ditu, s...
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
