Ataungo Udalak galdeketa bat banatu du herritarren artean, haurren eta gazteen udako aisialdi eskaintzan zer antolatzea nahiko luketen jakiteko. Ataungo haurren eta haien gurasoen nahiak jakin nahi ditu. Ideiak eta proposamenak emateko bilera egingo du...
Jon Maia idazle eta bertsolariak hitzaldi bat egingo du bihar arratsaldean, 18:30ean, Ordiziako Barrena kultur etxean. Ordiziako Udaleko Migrazio eta Aniztasun sailak gonbidatu du Maia solasaldira, udalak martxan jarri duen Udal Harrera Sarea proiektua...
Gazte Asanbladak eta Zero Zabor taldeak antolatutako jardunaldiak dira; ostiralean hitzaldia eskainiko dute eta larunbatean konposta nola egiten den erakutsiko dute.
Domingo Agirre ikastetxeko, Haztegi ikastolako eta Olazabal institutuko 50 ikasle Legazpiko udaletxean izan dira gaur goizean. Eskolako Agenda 21 programaren barruan, ikasturte honetan landu duten elikadura jasangarriaren gaia izan zuten hizpide alkatearekin eta Agenda 21eko eta gizarte zerbitzuetako zinegotziekin izandako bileran. Ikasleek ikasturtean landutakoaren inguruan ateratako ondorioak eta jasangarritasuna bultzatzeko hartutako konpromisoak jakinarazi dizkiete udal ordezkariei. Era berean, azken hiru ikasturteetan landutako gaiak ere errepasatu dituzte guztien artean, hau da, ekitate gabezia, Milurteko Garapen Helburuak eta mugikortasun iraunkorra. Amaitzeko, iraunkortasunaren gainean eragiteko neurriak hartu ditzala eskatu diete alkateari eta zinegotziei.
Agifes elkarteak Goierri garaian duen taldean hamabi lagun inguru biltzen dira astero; buruko gaixotasunak dituztenen senitartekoak dira, gehienak gurasoak
Ordiziako azokaren 500. urteurrena aitzakia hartuta egin du Manabu Sakamoto margolari japoniarrak obra hau. Xabi Mendizabal ordiziarrarekin egon zen Londresen Sakamoto, eta Ordiziara etorri zen 20 egun inguru pasatzera. Bertako giroa eta jendeak zeinen...
Legazpiko gaztetxeak hamabost urte beteko ditu datorren apirilaren 30ean. Hori dela eta, egitarau zabala prestatu du Legazpiko Gazte Asanbladak Santikutz jaien atarian. Ostiralean hasita asteburu guztian zehar luzatuko dira jai giroan aurrera eramango diren ekintzak. Atzera begiratuta, balorazio positiboa egiten du Jokin Zabala, gaztetxeko kideak. «Urte guzti hauetan gauza asko antolatu dira», dio. Baina, kritikoa ere bada, azken urteetan gero eta jende gutxiago gerturatzen baita gauzak antolatzerako orduan. «Garai bateko filosofia galdu du gaztetxeak», gaineratu du Zabalak, «eta jendeak taberna bat bezala ikusten du gehiago, sormenerako gune baino», dio. Horregatik, urteurrenak hausnarketarako bide izatea ere nahi dute. «Lana badago egiteko», esan du, urteurrena orain den arren, «ekintza nagusiak urrian egingo baititugu», dio. Hori horrela, herritarrei antolaketa lanetan parte hartzeko gonbitea luzatu diete asanbladatik. Gaztetxearen 15. urteurreneko ospakizunak Apirilak 27, ostirala 19:00. Kolokoiaren igoera gaztetxean eta zurrakapote dastatzea, jaiei hasiera emateko. 22:30. Revolutionary Brothers taldearen eskutik kontzertua. Apirilak 28, larunbata 14:30. Bertso-pike bazkaria Gorka Ojanguren, Gorka Azkarate, Gorka Maiz, Asier Sasieta eta Nerea Elustondorekin. Apirilak 29, igandea 21:00. Afari merienda. Gaztetxeak sagardoa eta ardoa jarriko du. 22:30. Herriko taldeen kontzertua: Lortu eta Deaf Squad, besteak beste.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
