Gaztea irratiaren Karting Koparen bigarren jardunaldia ostiralean eta larunbatean jokatuko da, 18:00etatik aurrera, Olaberriko zirkuituan. Izena emateko modua badago oraindik: Internet bidez (circuitoolaberria.com) 15 euro, bertan 18. Hamasei urte beteak eduki behar dira parte hartu ahal izateko. Lehengo astean 150 lagunek parte hartu zuten. Lehen jardunaldian onena Daniel Colado lazkaotarra izan zen, eta hura dago sailkapen orokorrean lider. Bigarren Oier Oiarbide beasaindarra dago. Gidari bakoitzak bi txandatan aritzeko aukera du. Finala, bi jardunaldietan denbora onena (itzuli azkarrena hartuko dute aintzat) egin duten 30 gidariekin, irailaren 30ean jokatuko da (hasieran irailaren 29an iragarri bazuten ere, egun bat atzeratu dute). Saritan, irabazleak Andorran bi pertsonarentzat bost eguneko egonaldia lortuko du. Bigarrenak Olaberriko Borda nekazaletxean asteburu bateko egonaldia, eta hirugarrenak Olaberriko Zezilionea jatetxean bi lagunentzat afaria.
Aita Donostia eta Kantaka abesbatzek kontzertu bateratua egingo dute, larunbatean 20:00etan, Lazkaoko San Migel elizan. Musika saio «anitza» izango da, euskal abesti, kubatar erritmo, errepertorio klasiko edota Vivaldiren piezekin. Aita Donostia korua Javier Alberdik zuzenduko du, Kantaka Debora Herrerok. Arantxa Gastesi piano jotzaileak lagunduko die. Gabonetan Kantakak Donostiara itzuliko die bisita. Kontzertuaren egitaraua: Kantaka abesbatzak 1. Maiteak galde egin zautan (herrikoia) 2. O Sacrum Convivium (Molfino) 3. Juramento Bolero (Matamoros) 4. Gloria (Vivaldi) Aita Donostia abesbatzak 5. Regina coeli (Aichinger) 6. O magnum mysterium (TL de Victoria) 7. Sicut ovis (Prieto) 8. Renuncio al mon (Dorey) 9. Esta tierra (Busto) 10. Erribera (Ondarra) 11. Oi ama Eskualherri (Ondarra) 12. Zeruan / Binbili bonbolo (Aita Donostia) 13. Ilunabarra (Mokoroa) 14. Saratarra (Bastida) Bi abesbatzek elkarrekin 15. A tu lado (Busto) 16. Don Gil de Alcala, habanera (Penella) 17. Maitia nun zira (Uruñuela) 18. Agur Jaunak
Legorretako Udalaren Kultura batzordeak III. Pintura Lehiaketa antolatu du. Urriaren 5era bitarte aurkeztu ahalko dira lanak, partaide bakoitzak bakarra, Legorretako Patxi Ezkiaga kultur etxean. Urriaren 10etik 30era tabernetan ikusi ahalko dira. Sari ...
Legorretako Aldapa Haundi elkarteak garagardo azoka antolatu du. Larunbatean 18:00etatik aurrera izango da, Harripila kiroldegian. Afariak ere emango dituzte; otordurako txartelak erosteko azkeneko eguna gaur da. Olaso, Ezkizu eta Arantxaberri tabern...
Ormaiztegiko Guraso Elkarteak festa antolatu du larunbaterako. Bilduko den dirua elkarterako izango da. EGITARAUA: 18:00: Garagardo dastaketa 19:30: Bokadilo jana 22:00: Guri bost taldearen kontzertua
Pailazoek 25 urte beteko dituzte aurten jarduna hasi zutenetik, eta disko sinfoniko bat grabatuz ospatuko dute urtemuga. Grabaketa urriaren 1ean egingo dute Andoainen eta urte guzti hauetan diskoak grabatzen lagundu dieten goierritarrak berriro elkartu nahi dituzte, bi kantatan laguntzeko. Izena emateko epea irailaren 25ean amaituko da. AKELARREAN eta KINTXO BARRILETE abestiak izango dira goierritarekin grabatuko dituztenak. 25 urte beteko dira aurten pailazo talde hau Euskal Herrian barrena herriz herri irriak eta muxuak banatzen hasi zela. Hori ospatzeko disko berezia grabatuko dute udazken honetan. Orkestra sinfoniakoarekin eta Donostiako orfeoiarekin batera, azken urte hauetan pailazoekin elkarlanean aritu diren hainbat musikarik, bertsolarik eta kantarik hartuko dute parte proiektuan. Kanta guztiak pailazoen ametsei musika jartzen dien Xabier Zabalak konposatutakoak dira, eta Xabier berak, moldaera sinfonikoak egiteaz gain, orkestra zuzenduko du. Urte guzti hauetan pailazoen grabaketetan Ordiziako musika eskolako eta Goierriko haurrek eta gazteek hartu dute parte. Hori dela eta, hauek denak gonbidatu dituzte disko honetan ere parte hartzera. Grabaketa Andoaingo Garate Studioetan egingo due eta Goierritarren txanda datorren urriaren 1ean, astelehenean, arratsaldez izango da. Agustin Mujika, Takolo pailazoa, taldearen sortzailetako bat dena ere, bertan izango da egun honetan. Parte hartu nahi dutenek Oneka Garmendia, Ordiziako musika eskolako irakaslearekin jarri behar dute harremanetan 630 11 [...]
Segurtasun uhala eta umeentzako aulkia behar bezala erabiltzen direla kontrolatzeko kanpaina egin du Beasaingo udaltzaingoak. Pasa den astean, lau egunez kontrolak egin zituzten, herriguneko kale nagusietan; kontrol horietan, segurtasun uhalik gabe zeb...
Euskara bizia lemapean ekin dio Goierriko Goiztiri AEK euskaltegiak aurtengo matrikulazio kanpainari. Irailaren 28ra arte eman ahalko da izena Ordiziako (943 88 91 74) edo Beasaingo (943 88 93 40) bulegoetan. EGA eta hizkuntz eskakizunen prestaketa, ...
Zumarragako pilota eskolak Beloki frontoiko egoitza Zelai Arizti parkera eraman du; datozen asteetan bertan egingo dituzte entrenamenduak, egitasmoaren helburua haurrak eta gaztetxoak erakartzea...
Arcelor Mittalek Olaberrian duen lantegian elkarretaratzea egin dute eguerdian LAB sindikatuak deituta, enpresak Planoen Sailean egin nahi dituen murrizketak salatzeko. Estatu mailan egin dituzten mobilizazioekin bat egin dute elkarretaratzearekin. Gaur goizean bertan langileen komiteak batzarra egin du enpresako ordezkariekin, eta “planteamendu zehatzik ekarri ez duten arren, beraien asmoen berri” eman diete langileei. LABeko ordezkariek azaldu dutenez, “pertsonal kostuaren %25a murriztu nahi dute eta, horretarako, gaur egun finkoak diren hobariak baldintzapekoak izatera pasa nahi dituzte, urtean 12 egun gehiago lan egin, aintzintasuna izoztu eta soldatak 3 urterako izoztu”. Neurri hauek aurreko astean Arcelor Mittalek Madrilen Akordio Markoaren barruan hartutakoen barruan daudela azaldu dute LABetik. Enpresako arduradunek 15 eguneko epea eman diete langileei negoziaketak egiteko, baina “dokumentaziorik aurkeztu ez dutenez, eta LABen planteamendua aintzat hartuz, 15 eguneko epea behin dokumentazioa esku artean eduki ondoren” hasiko dela azaldu dute sindikatuko ordezkariek.
Nazioartean, etzi ospatuko da ‘autorik gabeko eguna’. Lazkaon biharrera aurreratu dute ekitaldia, mugikortasun astearekin bat egin, eta herri barruan edo artean ibiltzeko bizikletaren erabilera aldarrikatzeko. Bizikleta martxa egingo dute, Mugi zaitez adimenez, eta bizi hobeto lelopean. Bihar, ostirala, 16:30ean plazan ginkana egingo dute aurrena, eta 17:30ean txirrindu ibilaldia, kaleetan barrena. Herritar guztientzat irekitako ekimena da.
Bi txirrindularitza proba jokatuko dira Goierrin asteburuan. Larunbatean, irailak 22, Lazkaon juniorrak eta 2. urteko kadeteak ariko dira, Udazkeneko Kriteriuma lehiaketaren barruko lasterketan (96 km). 16:00etan hasiko da, eta 18:24an bukatuko den aur...
2012ko bertso sariketa baterako mahai alde bitxia osatu zuten, aurreko larunbatean, Usurbilen (Gipuzkoa). Udarregi Sariketaren aitzakian, lehiaketa girotik aspaldi urrundu ziren sei bertsolari elkartu ziren, bost goierritarrak: Iñaki Murua gabiriarra,...
GBE-NER Gizarte Berria Eraikitzen taldekoen eguna egingo dute larunbatean Zerainen AMPOk antolatuta. Hamar enpresak osatutako irabazi asmorik gabeko elkartea da hau, tartean Ampo kooperatiba EGITARAUA: -09:30. Herriko plazan elkartuko dira 10:00etan ha...
Euskal Autonomia Erkidegoko legebiltzarrerako hauteskundeak egingo dituzte urriaren 21ean; hori dela eta, hauteskunde mahaietan nor egon behar den jakiteko zozketa egingo dute astelehenean, hilak 24. Zozketa publikoa eta irekia izango da, eta udaletxea...
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
