Jose Ramon Rudy margolari nafarraren erakusketa inauguratuko dute bihar 19:00etan
Lazkaoko Udalbatzak ezohiko osoko bilkura egingo du, gaur, 19:30ean. 2011ko kontu orokorra onartuko dute. Lazkao Lantzeni diru-bermea ematea, Iturgaitzagako errotondaren ziurtagiri bat, Kanpandegiko biribilgunea eta bidegorria eraikitzeko lana Goraiki ...
Bihar goizean herriko ikastetxeak bisitatuko dituzte, eta arratsaldean Areizaga-Kalebarren plazan izango dira interesa dutenei izen ematea errazteko.
Beasaingo gaztetxeak rock klasikoa egiten duten hiru talde elkartuko ditu taula gainean, larunbat honetan: Balerdi Balerdi, Belarra eta Bye Bye Patxi taldeak, hain zuzen ere. Kontzertua gaueko 22:30etik aurrera izango da. Balerdi Balerdi, 90eko hamark...
Pello Añorgak haurrei ipuinak kontatzeko ikastaroa eskainiko du Ordizian. Hiru saiotan egingo du hori. Azaroaren 5ean, 8an eta 15ean egingo dituzte saio horiek. 5ean 17:00etatik 19:00etara. 8an eta 15ean, berriz, 17:00etatik 20:00etara. Izena Ordiziako udal liburutegian eman daiteke eta plazak mugatuak dira. Doako ikastaroa da. Norberak ipuin bat eraman ahalko du eta ikastaroan zehar ipuin hori kontatzeko laguntza jasoko du, haurrekin hobeto komunikatzen ikasteko. Ez da hori liburutegian urrirako antolatu duen ekintza bakarra. Mertxe Aizpuruak ipuin kontaketa saioak eskainiko ditu lau egunetan: 10ean, 18an, 23an eta 31n. 17:30ean hasiko ditu kontaketak eta 4 eta 9 urte arteko umeei zuzenduta egongo dira. Azkenik, irakurketa tailerrak ere saio berriak egingo ditu, ekaina bitartean. 8 edo 9 saio izango dira guztira, eta helburuak, euskarazko irakurzaletasuna bultzatzea eta irakurketa ohitura sustatzea dira. Hori lortzeko euskal literaturaren alde ludikoa indartuko dute tailerrean. Aldiko liburu bat irakurtzen dute, eta elkartzean, bakoitzak bere etxean irakurritakoa eztabaidatzen dute: literatur estiloa, akzioa, pertsonaiak… Taldearen hurrengo bilera azaroaren 8an izango da, 19:00etan. Irati Goikoetxeak gidatuko ditu saioak.
Abian da VI. Arte Plastikoen Goiart 2012-Ordizia saria. Euskal Herrian jaio diren edo bertan bizi diren artistek har dezakete lehiaketan parte. 3.000, 1.500 eta 900 euroko sari bana jaso ahal izango dute parte hartzaileek, eta baita Goierri beheko artistentzako 600 euroko sari bat ere. Abenduaren 11n amaituko da lanak aurkezteko epea. Egile bakoitzeko bi lan onartuko dituzte gehienez, inolako baldintzarik gabe: tamaina, teknika, aurkezpena, gaia…. libreak dira. Epaimahaia arte plastikoekin zerikusia duten adituek osatuko dute. Lanak astelehenetik ostiralera bidal edo eraman daitezke Ordiziako Barrena kultur etxera, 10:00etatik 13:00etara. (Informazio gehiagorako: 943 80 56 30). Lanarekin batera gutunazl itxi bat eraman beharko da, hainbat agirirekin: • NAN-aren kopia • Artistaren datuak eta kurrikuluma • Lanen argazkiak • Azken urtean Euskal herrian bizi izan dela ziurtatzen duen agiria • Norberari eta lanari buruzko argibideak Kartazalaren kanpoaldean egilearen izena jarri beharko da.
Udako oporraldiaren ondoren, Goieniz zineklubak gaur ekingo die denboraldi berriko emanaldiei. Aurreneko saiorako Shame filma aukeratu dute; urrian zehar, Arrugas eta Kiseki lanak ere eskainiko dituzte. Goieniz zineklubak jakinarazi duenez, gaur has...
Espainiako Auzitegi Nazionalak Iban Apaolaza preso politiko beasaindarrari jarritako hamar urteko kartzela zigorra berretsi du. Apaolazaren abokatuak, haren etxean egindako mihaketa baliogabetzeko eskatu zuen, baina auzitegiak ukatu egin du zigorra «neurrigabea» denik. 2001eko azaoran ETAk Madrilen jarritako bonba autorako lehergailuak eraman izana leporatuta zigortu zuten.
Larunbat honetan ekingo dio ikasturte berriari Idiazabalgo Zirika irratiak. FM 98.9an entzun ahal izango da asteroko saioa 13:00etan hasita, eta gainerakoan 24 orduz musika egongo da. Aurrez zegoen lan taldeari, gainera, lagun berriak ere gehituko zaiz...
D-Pintxos talde legazpiarrak bere lehenengo diskoa aurkeztuko du gaur gauen gaztetxean. Zazpiak bat izenburupean argitaratu dute lana, eta hamar abestiz osatuta dago. Zortzi, beraiek sortutakoak dira, beste bat Legazpiko Hartu Arte taldearena eta azken...
EH Bildu koalizioak larunbat eguerdian du, Lazkaon, Eusko Legebiltzarrerako hauteskunde kanpainako lehen ekimena. 12:00etan bizikleta martxa egingo dute, plazatik abiatuta.
Biok Zerbitzuak Ordiziako saskibaloi taldeak Leioan jokatuko dute ligako bigarren partida. 18:00etan dute hitzordua, Askartza taldearen kontra. Bizkaitarrak EBA ligara igotzekotan egon ziren iaz, eta aurtengo lehen partida galdu egin dute. Biok Zerbit...
Ordiziako Mendizaleak elkarteak Oriotik Iturraranerako mendi ibilaldia egingo du urriaren 7an, igandea. Agorregi eta Pagoeta inguruetatik ere igaroko dira bidean. 7:30ean abiatuko dira.
Euskal Herriko II. Mendi duatloi zirkuitoa martxan da dagoeneko, eta asteburu honetan iritsiko da Beasainera; izan ere, larunbat honetan jokatuko dute Arriarango proba, zirkuitoko hamaika probetan laugarrena. Parte hartzaileek 12 kilometro bizikletan eta 6 kilometro korrika egin beharko dituzte. Proba nagusiaren aurretik, gaztetxoena ere egingo dute. Goierriko Trigoi triatloi taldeak eta Arriarango Intxaurpe elkartekoek antolatzen dute proba, eta aurten, laugarren urtea egingo du. Aurreneko urteetan Gipuzkoako eta Euskal Herriko txapelketak jokatu eta gero, beste proba batzuetako antolatzaileekin elkartu eta Euskal Herri mailako zirkuitoa antolatzea erabaki zuten iaz. Haren arrakasta ikusita, aurten ere bide beretik jarraitzea erabaki dute. Ibilbideari dagokionean, aldaketa txiki batzuk izan badira ere, «aurreko urteetakoaren antzekoa» izango dela azaldu dute antolatzaileek. Pronostikoen arabera eguraldia ere lagun izango dute, eta aurreikuspen hori betetzen bada, ibilbidea «egoera bikainean» egongo dela azaldu dute. Arriaran auzotik abiatuta, korrikalariek 4 kilometroko zatia egin beharko dute aurrena, mendiz korrika. Ondoren, 12 kilometroko zatia egingo dute bizikletaz. Azken bi kilometroak berriz, korrika egingo dituzte. Proba nagusia 16:00etan izango da. Aurretik ordea, 15:00etan, umeen duatloia egingo dute. Sari banaketa berriz, 18:00etan izango da, eta ondoren, merienda banatuko dute parte hartzaile guztien artean. Aurrez bertan bazkaldu nahi dutenek izena eman behar dute lokatzetanke@gmail.com helbidera mezu bat bidalita. Zirkuitoko lehen hiru probetan nagusi izan dira [...]
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
