Emakumezkoen areto futboleko Espainiako Zilarrezko Liga bihar hasiko da. Lau multzotan banatutako liga da, eta 1. multzoan, Estanda Ordizia areto futboleko nesken taldea dago. Iaz bigarren bukatu zuen liga erregularra, eta igoera fasea jokatzeko atarian geratu zen. Ordiziako taldeak bihar ekingo dio denboraldiari Majorin. Kantabriako Flaviobriga taldea hartuko du 18:15ean. Iñaki Herasek eta Emilio Ortizek zuzendutako taldeak bi baja aipagarri ditu biharkoari begira: Leti Diaz eta Oihana Balerdi. Bi jokalari horiek min hartuta daude. Taldea utzi dutenen artean, berriz, Izaskun Sarasola eta Joana Diez daude. Lehenak lan kontuengatik utzi behar izan du areto futbola, eta bigarrenak ikasketengatik. Fitxaketa bat ere egin du aurten taldeak; maila bat beherago dagoen Orixe Tolosa taldetik etorritako Ane Izagirre Arruabarrena Ordizian ariko da denboraldi honetan. Aurtengo helburua denboraldi ona egitea dela nabarmendu du Emilio Ortizek, nahiz eta iazkoa errepikatzea zaila izango dela jakin. “Ondo ari gara lanean, eta uste dut lan horren fruituak jasoko ditugula denboraldiaren bukaeran”. Zaleei Majorira hurbiltzeko deia ere egin die Ortizek.
IMSERSOko oporraldi programan izena emateko epea hilaren 9a arte dago zabalik, eta horren inguruan informazioa emateko Ordiziako Jubilatuen egoitzara joan daitezke interesa duten goierritarrek. Astelehenean, hilak 8, lehenengo aldiz programan izena ema...
Ampo ordiziak VRAC Quesos Entrepinares taldearen kontra jokatuko du asteburuan, Valladoliden. Iazko denboraldian izan zuen aurkari gogorrena da VRAC. Igandean 12:30ean jokatuko dute pepe Rojo zelaian. Ordiziarrek min hartutako jokalari ugari dituzte eta oraindik ere ez da ziurra Phil Huxfordek jokatu ahal izango duenik. Min hartutakoei Eñaut Azaldegi batu zaie orain, ukondoa atera baitzaio. Iñaki Suso, Xabi Lerma eta Joanes Aierbe ere ez dira partidan izango. Azken honek belaunean min hartu zuen pasa den asteko partidan. bi edo hiru astez geldirik egon beharko du Aierbek. Denboraldi honetan min hartutako jokalariak: Aitzol Idiakez, Youssef Haddar, Eñaut Azaldegi, Patxi Muller, Joanes Aierbe, Xabi Lerma, Iñaki Luloaga eta Ander Argaiz “Hainbeste min hartutakorekin, pepe Rojora egiteko bisitara indarrez justu iritsiko da Ampo Ordizia, baina gauzak ondo egiteko ilusio handia dago”, esan du Axio Araña entrenatzaileak. Aste honetan zehar lan teknikoa, fisikoa eta psikologikoa egin dute ordiziarrek. pasa den asteko partida ere ikusi dute bideoz, akatsak konpondu asmoz. “HOri da gure erronka, aurreko partidako azken minutuak ahaztea eta zelaian hustutzea, guztia ematea” adierazi du entrenatzaileak. II. Rugby Tag Txapelketa Zapatu honetan, bestalde, II. Rugby tag txapelketa egingo du Ordizia Rugby elkarteak. idiazabalen eta lazkaon jokatuko dute txapelketa. Bi saio izango dira, bosgarren eta seigarren [...]
Igartza arku tiraketa taldeak doako ikastaroa antolatu du datozen asteetarako. Saioak, larunbat goizetan izango dira; urriaren 20 eta 27an eta azaroaren 3an. Ikastarorako beharrezko materiala ere, Igartza klubak berak jarriko du. Gazte zein helduek parte hartu ahal izango dute, eta ez da ezer ordaindu beharrik izango; helburua, «goierritarrek kirol hau ezagutzea» baita. Bide horretan, hainbat saio egin dituzte dagoeneko; aurten, esaterako, erakustaldi bana egin dute Beasainen eta Ormaiztegin. Parte-hartzea irekia eta doakoa da, baina ikastaroa egin nahi dutenek, klubarekin harremanetan jarri behar dute. Horretarako, igartza.arco@gmail.com helbidera mezu bat bidali behar da.
Euskaltel txirrindulari taldeak goierritar bat gehiago edukiko du, datorren sasoitik aurrera. Garikoitz Bravo lazkaotarrak bi urterako kontratua sinatu du, Caja Rural kontinentalean hiru denboraldi aritu ondoren. Pozez kabitu ezinik da Garikoitz Bravo txirrindularia (Lazkao, 1989), eta bi astean «emozionatuta» egon da jauziarekin. UCI ProTourren jarraitzea jaistea baino errazagoa ikusten du, eta goren mailan ariko da, Izagirre anaiekin. Itzuli handi bat probatzeko gogoa du. Zuzendariak esandako «edozer» egiteko prest da, baita aukera emandakoan aprobetxatzeko ere. Zer suposatu du zuretzat Euskaltel taldeak fitxatzeak? Eman dudan pauso handiena. Hainbeste urte ahalegina eginez, beti talde txikietan, eta behingoagatik iritsi da saria. Ekipo serioa da, handia, eta maila altuenean dago. Beraz, niretzat gorena da. Zer moduz sentitzen zara? Pare bat astean gorputza arraro eduki nuen. Asumitzen duzu ekipoak zurekin kontatu behar duela, baina ideiara egin gabe. Bizikletan irteten zara, mundu guztiak galdetzen dizu, herrian ere bai… Ni, emozionatuta. Nola izan da fitxaketaren prozesua? Orain dela hilabete eta erdi izan zen. Duela lau urte Fundazioarekin egin nituen proba batzuk, baina ordutik ezer jakin gabe ibili naiz. Zortea izan dut. Caja Ruralekin kontratua eta baldintzak negoziatu beharrean geunden. Antonio Vaqueriza ordezkariarekin hasi nintzen, eta, hari esker, hemen aurkitu dit postua. Dudarik gabe, berak sartu du muturra. Bi [...]
Orain lau urte desagertzeko zorian egon zen Jakintza Dantza taldea, baina krisi horretatik indarberrituta atera ondoren, Amets Bide kultur elkartea izatera pasa da tarte horretan. Ez dira nonbait borondatezko lanerako garairik onenak. Konpromiso asko eta astialdiari denborarik ezin eskaini. Duela lau urte Jakintza Dantza Taldea desagertzeko zorian egon baldin bazen, lau urte beranduago erabat indarberrituta eta izena aldatuta etorri da Ordiziako dantza talde berria, orain 40 urtetik gora herrian egon zen dantza taldearen izena hartuz: Amets Bide. Hori bai, dantzara ez ezik, bestelako kultur adierazpenetara irekita daudenez, kultur elkarte izaera eman diote taldeari. Konpromiso eta ez etsitzearen adibide dira Izaro Insausti eta Edurne Saez, Amets Bide Kultur Elkarteko zuzendaritzako kideak. Insaustik urteak daramatza dantza munduan, eta azken urteetan herriko txikienen dantza erakuslea izan da. Saez, berriz, lehen aroko Amets Bide ezagututakoa da. «Orain lau urte desegitekotan egon zen taldea. Artean zeuden irakasleak unibertsitatera joan ziren, jarraitzeko asmorik ez zuten, eta lau lagun geratu ginen, biok, nire ama eta Edurneren alaba, ama-alabak. Bi alabek hartu genituen talde guztiak», gogoratu du Insaustik. Haien buruei esan zieten «poliki-poliki» joan behar zutela, baina «oinarri onak» finkatuz. Insaustiren esanetan, taldearen helburua «umeak heztea» izan da beti, gero, adin batera iristen direnean, haiek egin ditzaten irakasle [...]
Elkartasunak mila aurpegi izan ditzake, eta horren erakusgarri dira elkartasun proiektuetan diharduten Beasaingo elkarteak. Aste osoan zehar hainbat ekitaldi egin dituzte, baina larunbata izango da, egitarau aldetik, egunik beteena. Beasaingo elkarteek Boluntarioen eguna ospatuko dute batetik; baina egun berean, elkarte horietako batek, Herriak Elkarlanean GBEak, Beasain Elkarlanean eguna ere egingo du. Boluntario astea, herriko gizarte arloko herriko elkarteek urtean zehar egiten duten lan isila ezagutarazteko sortu zen, duela hamaika urte. Gisa horretako hemezortzi elkarte daude Beasainen, eta aste horren barruan, beraien lana kalera ateratzen dute. Horixe egingo dute bihar goizean, Gernika pasealekuan jarriko dituzten postuetan. Besteak beste, umeentzako jolasak, trikitilariak eta Gurea abesbatzaren saioa izango dira. Baita elkarteen arteko patata tortilla lehiaketa ere. Epaimahaikide moduan, Rubiorena, Urbieta, Dolarea eta Xerbera jatetxeetako sukaldariak ariko dira. Aurretik ordea, 12:00etan, eskarmentu gehien duen elkarteari urtero eskaintzen dioten omenaldia egingo dute. Aurten, Alkoholiko Anonimoen elkartea izango da omendua. Elkarte horrek 30 urtetik gora daramatza Beasainen lanean, 1980. urtean hasi baitziren alkoholarekin arazoak dituzten Goierriko biztanleei laguntza eta aholkularitza ematen. Irabazi asmorik gabeko Beasaingo elkarterik beteranoena da. Urbialde plazan duten egoitzan biltzen dira, astearte eta larunbatetan, 19:00etan. Beasain Elkarlanean eguna Boluntarioen Egunarekin batera, Herriak Elkarlanean gobernuz kanpoko erakundeak antolatutako festa izango da bihar, arratsalde partean hasita. 16:30ean, zeramika tailerra egingo dute, [...]
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
