2013/10/19

Euskal presoekiko elkartasuna berretsi eta senideak omendu dituzte Lazkaon

Lazkaoko presoen aldeko taldeak zortzigarren urtez antolatu du Elkartasun Eguna. Atzoko ekitaldiaren ondoren, eguerdi partean hasi dira gaurko ekintzak. Aurrena, Lazkaoko eta Arbizuko taldeen arteko herri kirol jaialdia egin dute. Txandakako proba bizia izan da; aizkoran, trontzerran, oskoletan, txingatan eta korrika aritu dira, besteak beste. Bi taldeak parekatuta aritu badira ere, azkenean Lazkaokoak izan dira azkarrenak. Herri kirol saioaren ondoren, Lazkaoko presoen senideei omenaldia egin diete, dantzarien agurrarekin eta lore sorta banarekin.

Goierriko Hitza

Berrogei bat lagun bildu dira Urola erreka garbitzeko auzolanean

Urretxu eta Zumarragako Errkaren Lagunak taldeak deituta, berrogei bat lagun bildu dira gaurko antolatu duten Erreka Egunean. Areizaga-Kalebarren plazan bildu dira, eta taldetan banatuta, bi herrietako puntu ezberdinetara joan dira, denen artean, Urola erreka garbitzeko asmoz. Antolatzaileek azaldu dutenez, "herrian errekaren inguruko errespetua zabaltzea" da ekimen honen helburua.

Goierriko Hitza
Gehiago
HITZAkide HITZAkide

 

ELKARRIZKETAK

ERREPORTAJEAK

KIROLA

Azken bideoak

 

Argitalpen bereziak

Gipuzkoa