2013/10

Bihar hasiko da Jazpana jaialdia

Bihar hasiko den Jazpana jaialdi rural-postmodernorako azken lanak egiten dabiltza antolatzaileak. Gaur arratsaldeko 15:00etan karpa eta beste hainbat gauza muntatzeko boluntarioei dei berezia egin diete antolatzaileek, "denen eskuak beharrezko izango direlako". Gaurko eguna "egun polita" dela dio Alvarezek, "orain arte buruan ibili dituen asmoak eta eginbeharrak gutxika egiten hasi" delako. Karpa muntatzen pasako dute gaurko eguna antolatzaileek.

Ane Arrieta

Herriko tabernen epaiketarekin «zigortu» nahi dituztela diote Aldiri eta Amalur elkarteetako arduradunek

Zumarraga-Urretxu Aurreko astean hasi ziren Madrilen 40 gazte euskaldunen kontrako eta 110 herriko tabernaren zein elkarteren kontrako epaiketak. Urretxuko Aldiri taberna eta Zumarragako Amalur elkartea 110 elkarte horien artean daude, eta, horrenbestez bietako arduradunak Madrilera deituta daude. Epaiketa hauen bidez, «zigortu» nahi dituztela esan dute bi elkarteetako ordezkariek atzo Amalurren kanpoaldean egindako agerraldian.

Otamotz.com Urretxu-Zumarraga

Legazpiko bertso saioaren laburpena irudietan

Bertsolari Txapelketa Nagusiko bosgarren kanporaketa jokatu dute asteburuan, Legazpin. Igor Elortzak lortu zuen puntu kopururik handiena, eta bide batez, finalerdietan zuzenean izateko aukera. Legazpiko Urbeltz pilotalekua jendez bete zen, aurrez saldu baitziren sarrera guztiak. Gotzon Aranburuk, saioaren laburpen bat egin du, han jasotako irudiekin.

Goierriko Hitza

Aritz Egea: «Beti pentsatu izan dut lehiatuko ez banintz, ez nukeela kirolik egingo»

Aritz Egea (Urretxu, 1984) laugarren postuan geratu da mundu mailako mendi lasterketen Skyrunning World Series txapelketan. Munduko mendi lasterketetako kirolari onenen artean leku bat egin du urretxuarrak Kilian Jornet, Luis Alberto Hernando eta Alex Nicholsen atzetik. Berriki Limone Sul Gardan (Italia) egindako Limone Extreme lasterketa izan da munduko txapelketako azkena. Bertan saio bikaina egin eta gero, hirugarren postuan amaitu du Egeak.

Otamotz.com Urretxu-Zumarraga

Zabalik dago pintxo lehiaketan izena emateko epea

Azaroaren 5era arte irekita dago Zumarragako VII. Pintxo Lehiaketan izena emateko epea. Lehiaketan parte hartu nahi duten ostalaritza establezimenduek Zelai Arizti kultur etxera jo beharko dute izena emateko; hala tabernak nola jatetxeak. Telefonoz ere izena eman daiteke 943 72 91 54 telefonora deituta, baita e-postaz ere kultura@zumarraga.net helbidera idatzita. Urriko kultur agendan epea urriaren 28an zabalduko dutela iragartzen badute ere, Zumarragako kultur zerbitzutik jakinarazi dutenez epea zabalik dago jada.

Otamotz.com Urretxu-Zumarraga

Euskara bultzatzeko lehiaketan parte hartzeko deia egin diete merkatariei

Goierri Goierri garaiko mankomunitateak merkataritzan euskararen erabilera bultzatzeko kanpaina berezia egiten du urtero Zintzo Mintzo eta Zingi Zango euskara elkarteen lankidetzarekin. Lehiaketaren formatua erabili ohi dute. Aurten, lehiaketa azaroan jarriko dute martxan, baina merkatarien partaidetza ezinbestekoa dutenez, Urretxuko, Zumarragako zein Legazpiko merkatariei lehiaketan parte hartzeko orriak dendan jartzeko eskaera luzatu diete.

Otamotz.com Urretxu-Zumarraga

Perkusio afrikarra lantzeko ikastaroak antolatu dituzte ostegunetik aurrera Urretxun

Perkusio afrikarra jotzen ikasteko ikastaroa antolatu dute Urretxun. Iaztik martxan dagoen dantza afrikarreko klaseen osagarri izango da. Ostegunetan eskainiko dituzte oraindik zehazteke dagoen lekuan. Bihar, ate irekien jardunaldia egingo dute Lizeo azpiko lokalean, eta interesa duten herritar guztiak gonbidatu dituzte bertara erritmo afrikarrak zuzenean entzun eta nola jotzen diren ikustera.

Otamotz.com Urretxu-Zumarraga
Gehiago
HITZAkide HITZAkide

 

ELKARRIZKETAK

ERREPORTAJEAK

KIROLA

Azken bideoak

 

Argitalpen bereziak

Gipuzkoa