Josten ari da Goierri

Beasainen, Idiazabalen, Zaldibian gaur, eta atzo Seguran eta Lazkaon Gure Esku Dagoren oihalak margotzen eta josten ari dira

Beasainen oihalak banatzen eta materiala saltzen egon dira goizean, orain elkarrekin bazkaltzeko hitzordua dute plazapean. Bazkal aurretik erabakitzeko eskubidearen aldarria margotuta duten oihalekin apaintzen ari ziren bazkariaren gunea. Arratsaldean castellersek, buruhandiek, trikitilariek… segida emango diote Gure Esku Dagoren Joste Eguneko jaiari eta 19:00etan sagardo eta basatxerri dastaketa egingo dute Bideluzen. Festari 21:00etan emango diote amaiera; sorpresaren bat egongo dela aurreratu dute antolatzaileek. Ez da, halere, borondateak josten hasi den Goierriko herri bakarra. Atzo Lazkaon San Prudentzio jaien pregoia irakurri zuten Gure Esku Dagokoek eta oihalak josteari ekin zioten; Seguran ere bildu ziren. Gaur arratsaldean hitzordu gehiago badago: Idiazabalen 17:00etan plazan, Zaldibian 17.00etan plazan eta Ordizian 19:30ean plazan.
HITZAkide HITZAkide

 

ELKARRIZKETAK

ERREPORTAJEAK

KIROLA

Azken bideoak

 

Argitalpen bereziak

Gipuzkoa