Haizeak zapuztu du festa Larraitzen
Bertan behera utzi behar izan dituzte ekitaldi gehienak.
Omanaldia morroiei Eguraldiak “behar bezalako” ekitaldirik egiteko aukerarik utzi ez duen arren, antolatzaileek bete dute hasieratik zuten asmoetako bat. Hain justu ere, suziriaren jaurtitzea Manuel Labakaren esku utzi dute. Gisa horretan artzaintza eta baserri munduan hamarkadatan morroi bizi izan direnak omendu nahi izan dituzte. Labaka bera hamarkada luzez izan zen zerbitzari; Beizaman jaioa da eta Zaldibian bizi da gaur egun. “Labakak bota du suziria eta era horretan morroi guztiak omendu nahi izan dugu. Artzantzan eta baserrietako lanean ezinbestekoak izan dira eta askotan ezkutuan gelditu izan diren, euren lanaren errekonozimendurik gabe. Gaurkoa morroiei omenaldia izan da; morroi esango dugu, horixe izan dira eta”, zioen Irastorzak.Larraitzen giroa baretu ez den arren, jende asko izan da bertara gerturatu dena goizean zehar bai Goierritik eta baita Tolosaldetik ere. “Behean, Zaldibian nahiz Alegi inguruan ez zegoen horren eguraldi txarrik, beraz jendea etorri egin da”, zioen basozainak. Goizekoa bertan behera gelditu den arren, arratsaldeko erromeria mantentzea erabaki dute. Egunari amaiera emateko, beraz, Jesus Mujika eta Josu Puldain bikotea arduratuko da festa giroa jartzeaz.