Tailerrak eta bisita gidatuak eskainiko dituzten Igartubeitin, abuztuan

Taldeei zuzenduta, herri kirolak, aiton-amonen jokuak, gailetak eta ginkana egin ahal izango dira astero asteazkenetik igandera bitartean

OLYMPUS DIGITAL CAMERAIgartubeiti Baserri Museoak abuzturako eskaintzaren berri zabaldu du. Ordutegi berezia izango du hilabete honetan, eta baita ekintza bereziak ere, haur taldeei zuzendutakoak batez ere. Tailerrak izango dituzte aukeran txikienek, eta besteek, bisita gidatuak egin ahal izango dituzte, mokadu eta guzti.

Txikientzako eskaintzan lau tailer desberdin egiteko aukera ematen da Asteazkenetik igandera egingo dira tailer hauek, goizez, 10:00ak eta 14:00ak bitartean, eta arratsaldez, 16:00etatik 19:00etara: Herri kirolak, aiton-amonak bezala jolasean, Igartubeitiko ginkana eta gailetak egiten ikastea. Taldeei zuzendutako tailerrak dira eta aldez aurretik izena eman behar da 943 722 978 edo igartubeiti@gipuzkoa.eus. Bestalde, taldeei zuzenduta ere, bisita gidatuak prestatu dira abuzturako, eta asteazkenetik igandera bitartean egin daitezke, goizeko 11:00etan, eguerdiko 12:30ean eta arratsaldeko 17:00etan. Bisita gidatu hauetan mokadua ere eskaintzen da. Prezioa 6 eurokoa da eta aldez aurretik izena eman behar da, telefonoz edo korreo elektronikoz.

Erakusketa bat ikusteko aukera ere badago hilabete honetan, erlezaintzari buruzkoa abuztuan ere ikusgai egongo delako. Erakusketa honetan, Urretxuko AIkur Erle Museoak utzitako garai bateko tresna eta lanabesak ikus daitezke alde batetik, baita Gipuzkoako Foru Aldundiaren Gordailua zentroko argizaiolak eta Igartubeiti baserriko ganbaran gordeta dagoen erlauntza zahar bat ere. Erakusketa asteazkenetik igandera bitartean ikus daiteke, 10:00etatik 14.00etara eta 16:00etatik 19:00etara.

HITZAkide HITZAkide

 

ELKARRIZKETAK

ERREPORTAJEAK

KIROLA

Azken bideoak

 

Argitalpen bereziak

Gipuzkoa