Pixkanaka ari da jendea Ordiziako Euskal Jaietako azokara gerturatzen
Egun handia dute gaur Ordizian Euskal Jaien barruan. Urteko azokarik garrantzitsuena izango da gaurkoa, tartean gazta lehiaketa eta enkante entzutetsuak eguerdian, eta erruz bilduko da jendea erdiguneko eta Alde Zaharreko kaleetan. Goizak aurrera egin ahala nabarituko da jende uholdea, baina pixkanaka ari dira herritarrak eta bisitariak festara gerturatzen.
Asteazkeneroko azokari batuko zaizkio gaur gazta, ganadu, fruta, barazki, eta perretxiko erakusketak eta lehiaketak, profesionalen pilota partidak, herri kirol jaialdia, musikariak, eta festa giroa. 09:00etan hasi da ofizialki festa eguna.