Elkartasuna eskuz esku
Ehunka lagunek giza kate bat egin dute bi herrietako kaleetan. Arcelor Mittalen lantegia eta Zumarragako udaletxea lotu dituzte. Kontzentrazioa ere egon da, lantegiaren aurrean
Zumarragako Arcelor Mittaleko langileek mobilizazio eguna egin dute, lantegiaren itxieraren aurka. Giza-kate bat egin dute Urretxu eta Zumarragako kaleetan eta lantegiaren aurrean kontzentratu dira, langile batzordearen eta zuzendaritzaren arteko bilerarekin batera.
Giza-katea goizean egin zuten, 11:00etatik 13:00etara. Ordu laurden lehenago jendea zegoen jada lantegi aurrean. Asko eta asko langileak eta beraien senitartekoak ziren, laneko jantziekin, kaskoekin eta itxieraren aurkako kamiseta laranjekin.
Langileen seme-alaba talde batek kartel hunkigarria prestatu zuen. Gure etorkizunaren defentsan. Gure familien lanpostuen alde zion.
Giza-katea lantegitik irten zen eta Zumarragako Secundino Esnaola kalera joan zen trenbide azpitik. Secundino Esnaola kalean eta Urretxuko Labeaga kalean Urretxu-Zumarraga ikastolako eta UGLE ikastetxeko ikasle eta irakasle asko zeuden, besteak beste.
Gainzuri eta La Salle-Legazpi ikastetxeetan ez zuten lanuzterik egin, baina ikasleek giza katera joateko aukera eduki zuten (gurasoen baimenarekin). Bestalde, merkatari askok dendak itxi zituzten eguerdi aldera.
Giza katea Labeaga kaletik Kalerrotara joan zen eta, Areizaga-Kalebarrenetik eta Soraluze kaletik pasata, Zumarragako plazan bukatu zen. Han, udal ordezkariek eta udal langileek 15 minutuko kontzentrazioa egin zuten.
Kamioilariek ere mobilizazioekin bat egin zuten. 20 bat kamioik bi herrietako kaleak zeharkatu zituzten. Beraiek ere Zumarragako Euskadi plazan bukatu zuten ibilbidea. Migel Lopez de Legazpiren estatua kamioiz inguratu zuten.
Zumarragako plazako kontzentrazioaren ondoren, Mikel Serrano alkateak adierazpenak egin zituen. Langileek udal ordezkarien eta udal langileen babesa dutela esan zuen. Bestalde, enpresari instituzioek eta langileek aurkeztutako bideragarritasun planarekin bat egiteko eskatu zion. «Gainontzeko guztiok bezala, inbertsioak egitearen eta lantegia zabalik mantentzearen aldeko jarrera har dezala».
Hurrengo mobilizazioak
Hurrengo mobilizazioak bihar izango dira: langile batzordea eta zuzendaritza berriro elkartzea aurreikusita dago eta, aurreko bilera guztietan bezala, langileek kontzentrazioa egingo dute lantegi aurrean.
Bestalde, larunbaterako manifestazioa deitu dute ELA, LAB, CCOO eta UGT sindikatuek. Bilbon egingo dute, 12:00etan, Gure industriaren defentsan, benetako industria politika baten alde lemapean.
Giza katea Labeaga kaletik Kalerrotara joan zen eta, Areizaga-Kalebarrenetik eta Soraluze kaletik pasata, Zumarragako plazan bukatu zen. Han, udal ordezkariek eta udal langileek 15 minutuko kontzentrazioa egin zuten.
Kamioilariek ere mobilizazioekin bat egin zuten. 20 bat kamioik bi herrietako kaleak zeharkatu zituzten. Beraiek ere Zumarragako Euskadi plazan bukatu zuten ibilbidea. Migel Lopez de Legazpiren estatua kamioiz inguratu zuten.
Zumarragako plazako kontzentrazioaren ondoren, Mikel Serrano alkateak adierazpenak egin zituen. Langileek udal ordezkarien eta udal langileen babesa dutela esan zuen. Bestalde, enpresari instituzioek eta langileek aurkeztutako bideragarritasun planarekin bat egiteko eskatu zion. «Gainontzeko guztiok bezala, inbertsioak egitearen eta lantegia zabalik mantentzearen aldeko jarrera har dezala».
Hurrengo mobilizazioak
Hurrengo mobilizazioak bihar izango dira: langile batzordea eta zuzendaritza berriro elkartzea aurreikusita dago eta, aurreko bilera guztietan bezala, langileek kontzentrazioa egingo dute lantegi aurrean.
Bestalde, larunbaterako manifestazioa deitu dute ELA, LAB, CCOO eta UGT sindikatuek. Bilbon egingo dute, 12:00etan, Gure industriaren defentsan, benetako industria politika baten alde lemapean.
- Kontsulta epea astebete luzatzea adostu dute
- Iritzi artikulua: Arcelor Mittalen egoera (Joseba Garmendia)
