Oihana Azkorbebeitiak eta Ander Iñarrak irabazi dute Axari Trail

Bi orduren buruan iritsi dira helmugara lehenengo sailkatuak Idiazabalgo Axari Trail lasterketan

2018/09/09

Goierriko Hitza

Oihana Azkorbebeitia Axari Trail probako helmugara iristen

Oihana Azkorbebeitiak eta Ander Iñarrak irabazi dute Idiazabalgo Axari Trail probako seigarren edizioa. Azkorbebeitia abadiñotarrak 2:34:43ren buruan zeharkatu du helmuga, Iñarra lezotarrak, ordea, 2:09:49an egin du lasterketa. Azkorbebeitiaren atzetik iritsi dira Laida Elizegi zaldibiarra (2:40:39) eta Maud Combarieu (2:42:22). Gizonezkoetan bigarren sailkatua Beñat Katarain zegamarra izan da (2:15:49); helmugara iristen hirugarrena, aldiz, Jon Ugalde (2:18:01). Iñigo Arias bilbotarrak (1:22:01) eta Ane Iturria tolosarrak (1:37:57) irabazi dute Axari Trail Txiki proba. Gizonezkoetan Josu Imaz (1:22:03) iritsi da bigarren helmugara, eta hirugarren postuan Aritz Munarriz (1:22:44) gelditu da. Emakumeen artean, Oihana Zubillagak (1:43:25) lortu du bigarren postua, eta hirugarrena, Ane Eizagirrek (1:44:18). Axari Traileko parte hartzaileek 9:30ean hasi dituzte lasterketak: proba luzeko korrikalariek 25,34 kilometroko ibilbidea egin dute, laburrekoek, aldiz, 16,06koa.