Oianguk hiru bikote sailkatu ditu pala motzeko final-laurdenetara
Oiangu pilota elkarteko hiru bikotek lortu dute final-laurdenetara sailkatzea Gipuzkoako pala motzeko txapelketako bigarren mailan. Aitor Luzuriagak eta Zuhaitz Letamendiak, Aitor Otegik eta Martin Mendikoak, eta Xabier Ibargurenek eta Imanol Olaranek ...
Ibargurenek eta Olaranek Urnietako bikotea hartu zuten etxean, atzo, 20:00etan hasitako neurketan, Ordiziako Beti-Alai pilotalekuan. Gainontzeko bi bikoteek, aldiz, etxetik kanpo aritu ziren. Luzuriaga eta Letamendia Errenterian, EPLEren auka, eta Otegik eta Mendikoak Deban neurtu zituzten indarrak Euskal Jolaseko bikotearen kontra.
Lehen mailako bi bikoteak
Bestalde, lehen mailan, joan den asteburuan jokatu zuten ligaxkako azken jardunaldia. Beñat Ibargurenek eta Azeari Andonegik beste garaipen bat eskuratu dute Usurbilgo Pagazperen kontra (37-40), eta taldeko lehen postuan sailkatu dira finalerdietarako. Oiangukoek Oiartzungo Txost izango dute aurrez-aurre finalaurrekoan, asteburu honetan ez, hurrengoan.
Lehen mailako beste multzoan, Garikoitz Arrietak eta Iñaki Agirrek ezin izan zuten Realeko bikoa mendean hartu (34-40) eta jaitsierako kanporaketa jokatu beharko dute hamar egun barru. Arrietak eta Agirrek ere Oiartzungo Txosteko bikote bat izango dute aurkari mailari eusteko lehian.