Osinberde bertso sariketa etzi jokatuko da 7. aldiz, Zaldibian
Zaldibian larunbat gauean jokatuko da 7. Osinberde Bertso Sariketa, bertsolari gazteentzat. Bertso-afari modura izango da, ohi bezala. Afaria 20:30ean hasiko da, Osinberde kultur elkartean (Joxepane ostatua), eta ondoren izango da bertso saioa.
Afaritarako 60 lagunentzat tokia dago, eta oraindik txartel batzuk geratzen dira salgai, Joxepane tabernan. Saioa entzuteko sarrera libre da, ondoren. Zaldibiako Bertsozale Elkarteak (Zabel) antolatu du.
Sei bertsolari ariko dira, Osinalde aurreko hiru saioetatik bigarrenean. Zaldibian izango da Goierriko hiru saioetan aurten ariko den goierritar bakarra: Ane Beloki (Legazpi, 1999), Unai Anda (Murgia, 1999), Oier Etxeberria (Azpeitia, 1997), Markel Eizagirre (Zarautz, 1995), Ane Zuazubiskar (Arrasate, 1997) eta Andoni Mujika (Urnieta, 1999). Joxi Irastortza izango da aurkezle, eta koplen ariketan soinuarekin laguntzaile Eneko Urkola trikitilaria eta Unai Beloki pandero jotzailea izango dituzte.
Bi sailkatu Osinaldera
Osinberde sariaren irabazlea epaimahaiaren puntuen arabera izendatuko dute (Argi-Berrin eta Aztirian entzuleek). Sailkapeneko lehen biek Gabiriako Osinalde sariketan kantatzeko txartela ere jasoko dute, apirilaren 27an. Epaile Martin Aramendi, Mikel Urteaga, Iñaki Murua eta Alaitz Sarasola jardungo dira.
Entzuleek euren gustukoena aukeratuko dute, bestetik, boto bidez. Entzuleen saria jasoko du bertsolari hark.
2zio rap bikoa hilaren 12an
Zabel elkarteak, bestetik, apirilaren 12rako beste ekitaldi bat antolatu du, Zubi-Buru elkartean orduan. Afaria egingo dute lehenengo, eta 2zio rap taldeak zuzeneko kontzertua joko du gero. Afari-txartelak (10 euro) plazako tabernetan dauzkate salgai.
Urruñan (Lapurdi) 2010ean sortua da 2zio. Odei Barroso eta Gorka Rodriguez dira kantariak, eta Jo Olaskoaga DJa. Rap eta hip-hop estiloko 3 disko dituzte.
