Ordiziako kudeaketa saritu dute herritarrek bozetan

Ordizia izan da hauteskunde kanpainan zehar, foko informatibo nagusietako bat. COVID-19ak eragindako egoera zailari ondo erantzun dio udalak, eta herritarrek babestu egin dute.

Adur Ezenarro Ordiziako alkatea, komunikabideen aurrean hizketan // Argazkia: Ordiziako Udala

COVID-19ak markatutako hauteskunde kanpainan zehar, foko guztiak Ordiziara begira jarrita egon dira, kasu berrien agerpenak hasi zirenetik. Egun zailak izan dira Ordiziako udal gobernu taldearentzat, kudeatzen erraza ez den egoera bati egin behar izan diote aurre, erabaki zailak hartuz. Komunikazioan asmatu dute, ordea, eta baita herritarrengandik gertu egoten ere.

Hauteskundeetan garbi ikusi da herritarrek kudeaketa horren emaitza saritu dutela. Atzoko emaitzak duela lau urtekoekin alderatuta, aldeak nabarmenak dira. 2016ko bozetan EAJk ehun botoko aldearekin irabazi zion EH Bilduri Ordizian. Aurten, ordea, EH Bildu izan da, ia 500 botoko aldearekin, garaile. Koalizio abertzaleak 230 boto irabazi ditu 2016koen aldean.

Adur Ezenarrok berak eskertu egin du herritarrek emandako babesa, sare sozialetan zabaldutako mezuen bidez. Bere lantaldea eta udal langileak ere izan ditu gogoan: “eskerrak ez ezik, nire begirune eta miresmen osoa adieraztea ezinbestekoa da, eurei, eta egunotan hurbildu zatzaizkidan ordiziar guztiei“.

 

HITZAkide HITZAkide

 

ELKARRIZKETAK

ERREPORTAJEAK

KIROLA

Azken bideoak

 

Argitalpen bereziak

Gipuzkoa