Idiazabaldarren Erromesaldia ospatu dute Zegamatik Idiazabalera bidean
Idiazabaldarren Erromesaldia ospatu dute alkate-makil aldaketa, hamaiketakoa eta herriz herriko bidearekin. Goizean goiz jaiki behar izan dira erromesak San Adriango ekitaldirako.
Erromesen iritsiera Zegaman Goizean goiz, erromesak Idiazabalgo plazatik San Adrianera joan dira, 7:30ak aldera. Autobusa hartu eta Otsaurtetik hasi dute San Adrianerako bidea eta 9:30ak aldera iritsi dira lehenengo erromesak. Bertatik, Zegamako plazara joan dira lehendabiziko ibilaldian, 12:45 aldera, txistularien laguntzaz. Bertan, lore sorta bana jaso ondoren, alkate-makil trukaketa egin dute. Hamaiketakoarekin eman diote jarraipena Idiazabaldarren Erromesaldiari. Ondoren, Segurako plazan izan dute geldialdia, 13:30ak inguru. Ondoren, Idiazabalgo eliz atarira iritsi dira, herriko txistulariak lagun, Birigarro Txistulari Taldeak, hain zuzen ere. Azken hamaiketakoarekin eman diote amaiera idiazabaldarrek aurtengo Erromesaldiko goizari, eguerdiko 14:15 aldera.
Idiazabaldarren Erromesaldiari amaiera emateko, arratsaldeko 17:00etan Pilota txapelketa jokatu da Igarondo pilotalekuan.
