50.urteurreneko egitaraua aurkeztu du Ordiziako Saskibaloi Taldeak
Ordiziako Saskibaloi Taldeak 50.urteurreneko ospakizuneko egitaraua iragarri berri du eta bazkarirako tiketak iada salgai daudela adierazi dute.
Ordiziako Saskibaloi Taldeak 50.urteurrena ospatuko duela irailean iragarri du, egitaraua argitaratuz. Jaia irailaren 24ean izango da, baina aurrez eskuratu beharko da bazkarirako tiketa. Sare sozialetan aipatu duten bezala, irailaren 8ra arteko epea ezarri dute bazkariko tiketak eskuratzeko, eta ondorengo lekuetan eros daitezke: Amonane, Olano eta Txindoki tabernak. Aforoa mugatua izango da eta Beti Alai pilotalekuan egingo dute bazkaria. Photocall-a ere izango dute eta, nola ez, musikaz alaituko dute eguna ordiziako saskibaloizaleek. Burrunbazale txaranga ordiziarra izango dute egunean zehar eta gauerako ere musika eskaintza izango da Plaza Nagusian. Sweet Sara Band taldeak alaituko du urteurren gaua.
