Musikak hartuko du Beasaingo Erauskin Plaza Howdy Bluegrass taldearekin
Howdy Bluegrass talde donostiarra izango da abuztuaren 4ean arratsaldeko 20:30etan, Beasaingo Erauskin Plaza musikaz alaitzen
Igartza Musika egitarauaren barruan hainbat kontzertu ikusi ahal izaten dituzte beasaindarrek urtean zehar. Oraingoan bluegrass eta country doinuetara joko dute Howdy Bluegrass donostiarrekin. Arratsaldeko 20:30etan hasiko da kontzertua Erauskin Plazan.
Howdy Bluegrass
Howdy Bluegrass bost taldekidek osatzen dute: Urbil Artola, Jose Mari Pulido, Gorka Arranz, Jon Arzelus eta Julen Maestro. Taldearen izenak berak dioen moduan, bluegrass musika jotzen dute eta 10 urteko ibilbidea duen taldea da. Ibilbide horretan zehar hainbat eszenatoki ezagun astindu dituzte, izan Donostiako Jazzaldikoa, Old Time Festival, eta abar. 2020.urtean haien lehen diska ekoitzi zuten, haien kasara, eta 12 abestiz osatutako diska honek ibilbide osoan zehar sortutako abestiak jasotzen ditu.