Zubizarreta anaiek Ataunen jokatuko dute, etziko jaialdian
ATAUN // Pilota jaialdia antolatu du Ataun Kirol Elkarteak, ostiralerako, Auzoeta pilotalekuan. 19:00etan hasiko da. Lehen partidan, amateurrena, Zubizarreta IV.a-Landa bikoteak eta Lizeaga II.a-Lizeaga I.ak jokatuko dute. Ondoren, profesionaletan, Promozioko Binakako Txapelketakoa jokatuko dute Iraitz Zubizarretak eta Elizegik, Exposito-Bikuñaren aurka. Sarrera 15 euro da (16 urtez behekoek 10, klubeko umeek doan), eta Troskaetan, Martintxon, Sutegin eta Errotaundin daude salgai.
