Berrikuntzaren kulturaz eta jasangarritasunaz, ‘Made in Goierri’-n
Amaia Ferro Mondragon Korporazioko Enpresa Garapeneko zuzendariak itxiko du Lemniskatak antolatzen duen hitzaldi zikloa.
Lemniskata zientzia sare herrikoiak antolatzen duen Made in Goierri, etorkizuna sortzen hitzaldi zikloa azkenera iristen ari da. Etzi, ostirala, Beasaingo Igartza jauregian, 19:00etan hasita izango da aurtengo ekitaldiko azken hitzaldia. Amaia Ferro izango da gonbidatua. Ibilbide profesional luzea du Ferrok, eta gaur gaurkoz, Mondragon Korporazioko Enpresa Garapeneko zuzendaria da. Berrikuntzaren kulturaz eta jasangarritasunaz mintzatuko da ostiraleko hitzaldian.