Marokon gertatutako lurrikararen ondorioz kaltetuak izan direnentzat material bilketa egin dute gaurkoan Legazpiko Azokan.
Marokon hondamendi latza gertatu da duela egun gutxi eta hainbat eta hainbat izan dira kaltetuak. Hildako ugari izan dira eta zaurituak beste hainbeste. Egoera honen aurrean, Mustapha marokoar jatorriko legazpiarrak herritarrak laguntza ematera deitu ditu. Negua gero eta gertuago dagoen honetan neguko arropak eta oinetakoak jarri ditu lehentasuntzat, baina hainbat eta hainbat laguntza desberdin eman dituzte herritarrek material aldetik, izan janaria, arropa edota oinetakoak.
Goizean zehar legazpiarrak Azokara gerturatu dira material bilketan parte hartzera. Herriko zenbait elkartek ere bat egin dute ekimen honekin eta guztien artean material mordoxka bat biltzea lortu dute gaurkoan.
