Sanjoanak

Ataungo Arrondon San Joan jaiak, gaur hasita

Gaurtik igandera bitartean izango dira ekitaldi gehienak. Ekainaren 23a, San Joan bezperarekin amaituko dira.

Loinaz Agirre

2026/06/19

Arrondo auzoko Baztarrikako zelaiko festa gunea prest dago, gaur hasita, San Joan jaietako ekitaldiak ospatzeko. Txosnako hozkailuak beteta daude eta karpa jarrita. Eta futbolina ere prest dago, gaur, haurren eta helduen txapelketak jokatzeko. Haurrena 12 urtez azpikoentzat da, 18:30ean hasita, dohainik. Helduena 22:00etan izango da; 6 euro ordaindu beharko ditu partehartzaile bakoitzak.

Larunbatean, berrikuntzak
Arrondoko jaietako aurtengo bi berrikuntzak, bihar izango dira. Karpa ondoan egingo den Mountain Bike probaren ondoren, 12:00etan herri kirol txapelketa jokatuko da, bi talde sortzeko adina lagun elkartzen badira, eta 14:00etan paella janaren inguruan elkartuko dira auzotarrak. Bazkalondorenean, jaietako klasiko bat: 35. mus txapelketa.

Igandea, Olatako bueltarekin hasiko dute. 09:00etan Lopetxeko zubian jarri dute hitzordua eta erdibidean, Beamako zelaian, hamaiketakoa egingo dute txorixo egosi eta gazta pintxoak janez. Auzora itzulitakoan, toka txapelketak jokatuko dituzte; 12:00etan umeena eta 12:30ean helduena.

Asteartean amaitu
Ekainaren 23an bukatuko dira festak, suarekin. 20:00etatik aurrera, trikitilariak auzo afaria eta sua izango dituzte Arrondon.

EGITARAUA

Gaur, ekainak 19