Bi-Tartean elkarteak 'Oporretarako prest?' ekintza egingo du ostiralean
Oporretarako proposamen bereziak kalera atera eta erosketa baleak zozkatuko dituzte
Uda iritsi da, eta horrekin batera, oporrak prestatzeko garaia ere bai. Hori dela eta, Bi-Tartean merkatari elkarteak Oporretarako prest? ekintza egingo du, herritarrei oporretarako behar dituzten erosketak herrian bertan, modu errazean egiteko aukera emateko. Ostiralean (uztailak 17) egingo dute, denda atarietan: oporretarako proposamen bereziak eskainiko dituzte eta egun horretan egiten diren erosketen artean 20euroko 30 erosketa bale zozketatuko dituzte. Gainera, ekintza merkealdiarekin bat etorriko denez, bereziki erakargarria izango da bezeroentzat.
Bi-Tarteaneko kideek herritarrak dendetara hurbiltzera animatu dituzte. “Helburua argia da: oporrak prestatzeko momentuan ere, jendeak naturaltasunez Bi-Tarteanera jotzea. Izan ere, Hori da Bi-tartean. Zure kalearen parte. Zure errutinaren parte. Zurekin bizi den merkataritza. Gertu. Eroso. Erraz”.
