'Baserritik mahaira' jardunaldi gastronomikoa egingo dute Legazpin
Bertako produktuekin prestatutako bost plater dastatzeko aukera izango da: barazkiak, piper beteak, lasagna, albondigak eta tripakiak.
Lekanazpi elkartea. Artxiboko argazkia. Lekanazpi elkarteak jardunaldi gastronomiko berezia antolatu du irailaren 2rako, bertako produktuak, ekoizleen lana eta haien atzean dagoen prozesua ezagutzeko. Goierriko bi ekoizlek, Aitorrek eta Jesusesk, hartuko dute parte saioan.
Alde batetik, Saltsamendi baserriko ekoizpenaren berri emango dute, barazkien ekoizpenean eta horiek baserritik mahaira egiten duten ibilbidean arreta jarrita. Bestetik, Errementari baserrikoek txekor-haragiaren ekoizpena eta bertako produktuaren balioa azalduko dituzte.
Jardunaldiaren ardatza, ordea, dastaketa izango da. Bertako produktuekin prestatutako bost plater dastatzeko aukera izango dute parte-hartzaileek: barazkiak, piper beteak, lasagna, albondigak eta tripakiak.
Saioa 19:00etan hasiko da, Lekanazpi elkartean, eta parte hartzeko 15 euro ordaindu beharko dira. Aurrez sarrera erosi beharko da, Vivetix plataformaren bidez, lotura honetan:
https://vivetix.com/es/entradas-baserritik-mahaira-4fzx/session?token=ti6ljx6LoUd
