Jendetza Lazkaon, 'Goazen' telesailekoen ikuskizunerako sarrerak erosteko
Fenomeno soziologiko bihurtu izanaren zantzu guztiak dauzka ETB1eko ‘Goazen’ euskarazko telesailak. Haurren eta gaztetxoen artean sekulako arrakasta lortu du. Horren erakusle, gaur arratsaldean Lazkaon ikus daitekeen irudia: Areria antzokiaren aurrean ezohiko jende ilara. Santa Madalenako biribilguneraino ailegatu da.
‘Goazen’-eko aktoreek otsailaren 10ean bi ikuskizun egingo dituzte, Lazkaon, Arerian antzokian. 18:00etan bat, eta 20:00etan bigarrena. Jendea samaldan joan da sarrerak erostera. 17:30ean zabaldu dituzte Areriako leihatilak, 20:00ak arte —lehenago agortzen ez badira—. Pertsona bakoitzak lau sarrera eros ditzake, gehienez. 10 euro balio du bakoitzak.
Areriak 356 pertsonako aforoa du. Bi aldiz beteko dela dirudi, otsailaren 10ean.
Jendea Areria aurrean, gaur 17:30ean, ‘Goazen’-ekoen ikuskizuneko sarrerak erosteko zain,/Aimar Maiz
