50. urteurrena. Bideo emanaldia
50. URTEURRENA. BIDEO EMANALDIA "1967ko suaren bila" izango da Haztegi ikastolak 50. urteurrena ospatzeko antolatu duen ekintzetako bat. Bideo emanaldi bat izango da eta bi pase egingo dira, abenduaren 26 eta 27an, arratsaldeko 18:30etan Latxartegi Aretoan. Bertan, bi bideo erakutsiko dira, lehenengoa pasa den ikasturtean Xabier Aztiria eta Jon Garatek Kimu Berri ikastolaren sorrerari buruz egin zuten dokumentala izango da. Dokumentalean ikastolako sortzaileak, orduko guraso eta irakasleak eta hainbat herritar eta ikasle ohiri egindako elkarrizketak ikusi daitezke. Bigarren bideoa berriz, Eneritz Aulestia, Axel Eizmendi eta Telmo Trenadok egin dute eta ikastaloren gaur egungo egoera eta etorkizuna ditu hizpide.Ekitaldia eskarmentu handiko bi ikasle ohiek gidatuko dute eta ikusleengana gerturatzen eta hauekin konektatzen saiatuko dira. Era berean, dokumentalen egileak ere bertan izango dira. Aforoa kontrolatu ahal izateko sarrerak salduko dira egunean bertan euro baten truke. Oharra: EUS EUS-CAS Ideia bat egiten joateko, hona hemen bideoaren trailerra: https://www.youtube.com/watch?v=pum13qzZgik Bertan ikusiko garelakoan, ondo izan! :)
