AMPO ORDIZIA – UBU COLINA CLINIC BURGOS festa giroan
Errugbiko Ohorezko mailako Heineken liga irabazteko final-laurdenetako partidua jokatuko dute Ampo Ordiziak eta Burgosko UBU Colina Clinic taldeek datorren igandean 12:00etan. Denboraldi honetan Ampok etxean jokatuko duen azkena izango da. Liga erregularrean laugarren eta bosgarren tokian amaitu duten taldeak izango dira aurrez aurre. Biek bisitari gisa irabazi egin zuten aurkariaren zelaiak; hau da, Ordiziak Burgosen... Read More
Errugbiko Ohorezko mailako Heineken liga irabazteko final-laurdenetako partidua jokatuko dute Ampo Ordiziak eta Burgosko UBU Colina Clinic taldeek datorren igandean 12:00etan. Denboraldi honetan Ampok etxean jokatuko duen azkena izango da.
Liga erregularrean laugarren eta bosgarren tokian amaitu duten taldeak izango dira aurrez aurre. Biek bisitari gisa irabazi egin zuten aurkariaren zelaiak; hau da, Ordiziak Burgosen eta Burgosek Ordizian. Bi partidu horietan tanto asko egin ziren eta Altamiran jokatutakoa goierritarrek etxean egin duten okerrenetarikoa izan zen.
Marotias eta Garmendiaren mutilak irabazteko ahalegin guztia egingo dute, zaleei garaipena eskaini eta hurrengo asteburuan Valladoliden Salvadorren kontra izango den finalerdirako txartela lotuz. Entrenatzaileek jokalari guztiak prest dituzte. Hala, indar guztia jarriko dute Altamirako belar gainean.
JAI GIROAN
Partiduaren inguruan, azpimarratzeko hainbat ohar ditugu. Aparteko eguna da eta horrela bizi nahi dugu:
1-Burgosetik jarraitzaile asko etortzea espero da eta klubak zaleei dei egiten estadiora garaiz joan eta harmaila bete dezaten.
2-Errifa ohiko prezioak jarriko da salgai, baina sari gehiagorekin osatu da oraingoa: txirrindu bat eta Eroski etxearen SELEQTIA produktuez beteriko otar handia.
3-Partidu amaieran, aparteko hirugarren zatia egingo da estadioko aparkalekuan zaleekin batera. Pintxoak eta garagardoa egongo da.
ANIMO ETA DENOK ALTAMIRARA!
