Apalategik igandean du txapelketa nagusiko azken final aurrekoa

Euskal Herriko Bertsolari Txapelketa Nagusiko finalaurrekoaren bigarren itzuliko azken aurrekoa jokatuko da igandean Donibane Lohizunen (Lapurdi), 17:00etan, Jai Alai pilotalekuan. Iñaki Apalategi beasaindarrarekin batera, Agin Laburu, Igor Elortza, Jone Uria, Julio Soto eta Maialen Lujanbio ariko dira kantuan. Abenduaren 17ko BEC-eko finaleko zortzikotea zein izango den argitzen joango da pixkanaka.Apalategik zaila izango du sailkatzea, lehenengo itzuliko puntuazioa kontuan hartuta, azkeneko tokian baitago.

Segura Irratian

Bertsolari Txapelketa Nagusiarekin lotuta, Segura Irratian, Aitor Sarriegi, Iñaki Apalategi eta Oihana Iguaranekin elkarrizketa saioa eskainiko dute ostiralean 07:00etan eta larunbatean, 16:30ean. Hiru bertsolarien txapelketako bertsoaldirik onenak ere entzuteko aukera izango da.

Utzi ekarpen bat

*

*

Send this to friend