2011/5

Igandean emakume bat bortxatu zutela salatzeko elkarretaratzea deitu du gaurko Kimetzek

Joan den igande gauean, bi gizonezko emakume bat bortxatzen saiatu ziren Ordizian. Sexu eraso horren aurrean, Kimetz Emakume Elkarteak elkarretaratzea deitu du. Gaur iluntzean elkartuko dira, plaza nagusian, erasoa salatu eta biktimari elkartasuna adierazteko. Kimetz elkartetik azaldu dutenez, «emakumeen aurkako indarkeria giza eskubideen urraketa onartezina da». Baina ez hori bakarrik, «ziur aski, emakumeok bizitzaren hainbat esparrutan dugun diskriminazioaren adierazpen larriena» ere badela uste dute. Hala, emakumeen kontrako indarkeria eta bazterkeria «egiturazkoak eta dimentsio anitzekoak» direla diote, eta horrekin bukatzeko, erakundeen eta herritarren inplikazioa eskatu dute. «Ezinbestekoa da erakunde publikoek zein gizarteak, bere osotasunean, gaiarekiko konpromiso garbia hartzea». Hori guztia dela eta, Kimetz elkarteak ordiziarrei dei egin die gaurko elkarrateratzean parte har dezaten; «herriko emakume batek jasan duen bortxaketa gaitzesteko eta emakumeari gure elkartasuna adierazteko». Kimetzen ustez, «ordiziarrok eman beharreko erantzunak inplikazio horren isla» izan behar du. Gaur, iluntzeko 20:00etan bilduko dira plaza nagusian. Gertakariak, igande gauean izan ziren. Hainbat iturrik zabaldu dutenez, 23:00ak aldera, bi gizonezkok emakume bati eraso egin eta bortxatzen saiatu ziren, Urdaneta kalean. Bizilagun batek oihuak entzun eta emakumea laguntzera jaitsi zen; ordurako, ihes egin zuten bi gizonezkoek. Gaitzespena eta elkartasuna Ordiziako Udaleko bozeramaleen batzordeak, igandeko gertakaria «irmoki salatu eta deitoratu» du eta ohar baten bidez elkartasuna [...]

Arkaitz Apalategi

Hare Haizeak Saharara bidaltzeko janari bilketa kanpaina hasi du

Janariak eta produktuak ekainaren 10era arte jasoko dituzte; gainera, Oporrak Bakean egitasmoaren bitartez, 24 bat haur ekarri nahi dituzten udan Goierri...

Otamotz.com Urretxu-Zumarraga

Urola Asirauto Plazaolako neskak 3. egin dute Hondarribiako triatloian

Zortzi talderen artean egin zen lehian hirugarren postua lortu zuten trialtoi taldeko neskek; mutilek aldiz, 19.ean amaitu zuten 29 talderen artean....

Otamotz.com Urretxu-Zumarraga

Aizkorri-Aratz Parke Naturalaren Eguna ospatuko dute Zerainen

Bihar Europako Parke Naturalen eguna izanik, Aizkorri-Aratz Parke Naturalaren eguna ospatzeko helburuarekin hitzaldi-mahai ingurua antolatu dute Zerainen. Larunbatean berriz, mendi ibilaldia egingo dute. 1909ko maiatzaren 24an izendatu zituzten Euro...

Estitxu Imaz

Euskarazko irakurle taldeak ikasturteko azken saioa egingo du

Asteazken honetan Aingeru Epaltzaren ''Ur-Uherrak'' liburu aztertuko dute Santa Barbaran; horrez gainera Karlos Zurutuzaren 'Irakeko kurduak, bazterreko bizitzak'' lana eskainiko da bihar....

Otamotz.com Urretxu-Zumarraga

Bildu Legazpiko alderdi bozkatuena izan da, zazpi zinegotzirekin

Bildu koalizioak gehiengo absolutua lortu du udal hauteskundeetan. «Aldez aurretik bagenekien herritarren gehiengoak bere babesa agertuko zigula, baina egia da pozez hartu ditugula datuak, ez genuelako espero hain onak izatea», esan zuen atzo Kepa Urzelai Bilduko alkateagaiak emaitzak jakin eta gero. Bigarren indarra EAJ izan da, hiru zinegotzirekin; aldea beraz handia izan da. Izan ere, botuen kopuruak alde hori nabarmendu egiten du. Bilduk 2.002 botu lortu ditu, eta Legazpiko errolda, 7.074 biztanlekoa da. Parte-hartze datua %65,76koa izan da, «eta hori hauteskunde egun batean oso ontzat baloratzeko datua da», gehitu du Urzelaik. PSE-EE alderdiari dagokionez, bi zinegotziak mantendu ditu; Jose Morcillok errepikatu egingo du, eta Oscar Valbuena zerrendaburuak lehenengoz ordezkatuko du PSE-EE alderdia. Hamaikabat alderdiak Legazpin zinegotzi bat atera du, Arantza Arizmendi. Lehenengo aldiz aurkeztu dira udal hauteskundeetara marka berri honekin. EAk, urtetan, Legazpiko alkatetza izan eta gero, Hamaikabat alderdiak zinegotzi bakarra atera du; beraz, EAkoak izandako botu gehienak Bildu koalizioak hartu dituela agerian utzi dute emaitzek. Ezker Batuak-Berdeak udaletxean zuen ordezkaria galdu du, Raquel Roperok buru duen zerrenda udalbatzatik desagertuko delarik. PP alderdiak ez du ordezkaritzarik lortu Legazpin.

Goierriko Hitza

Hauteskundeen jarraipen berezia

Jarraipen berezia Goierriko Hitzan.

Goierriko Hitza

Pista jokoa egin dute gaur Euskal Herria plazan

Gaur, arratsaldean, Sorgintxulo aisialdi taldeak gidatutako pista jokoa egin dute. Haurrek altxorra bilatu behar izan dute horretarako hamaika jolas egin eta gero. Udalak antolatutako ekintza izan da.

Legazpiko Hitza

Lazkaon egoitza berria inauguratu du Herriak Elkarlaneanek

Gaur goizean Herriak Elkarlanean taldeko kideak Lazkaoko Zubierreka industrialdeako egoitza berrian lanean aritu dira. Beninera (Afrika Mendebaldea) bidaltzeko edukiontzia betetzen aritu dira, elkarteak Lazkaon daukan egoitza berritik aterako den lehenengo edukiontzia da hain zuzen. Edukiontzian 25 tona produktu bidaliko ditu elkarteak. Laguntza hori guztia Goierrin jaso dute. “Beninera aurten bidaliko dugun bigarren edukiontzia da, egoitza berritik aterako den lehenengoa”, dio Gorka Eskalante, Herriak Elkarlanean taldeko kideak. “Irizarren laguntzari esker egoitza hau erosi dugu. Biltegia izango da, hemendik aterako dira aurrerantzean betetzen ditugun edukiontzi guztiak”. Kutxa fundazioak ere lagundu diela gehitu du Eskalantek. Osasun eta eraikuntza materiala doaz Beninera, baita “Ehun enpresak emandako bulego altzariak, berri-berriak daudenak”. Izan ere, 41 tona material bildu dituzte, baina ez da dena kabituko, eta gaurko goiza materiala aukeratzen eta kamioia betetzen eman dute. Amaitzean inauguratu dute egoitza berria dantzariek eta apaizak lagunduta.

Goierri Ekialdeko Hitza

Nanoteknologiari eta nanomagnetismoari buruzko kongresua Ordizian

Maiatzaren 31n hasi eta ekainaren 4a bitarte Nanoteknologiari eta Nanomagnetismoari buruzko Nazioarteko Kongresua egingo dute Ordizian. Kongresua datorren ostegunean aurkeztuko dute Donostian, baina horren aurretik, hilaren 24an, gaiarekin lotura duen lehen ekitaldia izango da Barrena kultur etxean. Julian Gonzalez Estevezek eta Juan Jose del Val Altunak hitzaldi bana egingo dute hilaren 24an Ordizian. Gonzalezek Magnetismoa, makro ingurunetik nano ingurunera igarotzea hitzaldia emango du, eta Del Valek Ikerketa-karrera eta zientzia-lana zientzian. Lehen hitzaldia 19:00etan hasiko da. Ekainaren 2an edo 3an Ekainaren 2an, berriz, Ordiziako Herri Antzokian izango da hitzaldia, 10:00etan hasita. Albert Fert irakasle eta Fisika Nobel Sariduna, eta Antonio Hernando irakaslea izango dira hizlariak. Karrera zientifiko ikertzailearen estimuluak eta motibazioak gaiaren inguruan ariko dira hizketan. Hitzaldia ingelesez izango da, baina euskararako aldibereko itzulpena egongo da. Hurrengo egunean Goierri Berrikuntza Gunea izango da elkargunea. Stuart Parkin eta Kaneo Mohri irakasleak ikerketari eta garapenari buruz ariko dira, 10:00etan hasita. Hitzaldi haur ere ingelesez izango da, eta gaztelaniarako aldibereko itzulpena egongo da.

Ordiziako Hitza

Garabi Ordiziako infantilek Espainiako Txapelketa dute jokoan

Garabi Ordizia errugbi taldeko infantilak Valladolidera (Espainia) joango dira, asteburuan bertan jokatuko baita Espainiako Txapelketa. Zortzi talde ariko dira nor baino nor, bi multzotan; Ordiziak Marbella, Majadahonda eta CAU Valencia izango ditu aur...

Ordiziako Hitza

“Zegama-Aizkorri mendi maratoia teknikoa baino gehiago gogorra da”

Maiatzaren 29an jokatuko dute Zegama-Aizkorri mendi maratoia. Aurtengoa antolatzen duten 10. aldia da, eta Alberto Aierbe mendi maratoiko zuzendari teknikoak lasterketaren hasiera eta bilakaera izan ditu hizpide. Baita antolaketa lanak ere. Aurten 10 urte beteko ditu mendi maratoiak. Zerk bultzatuta egin zenuten lehendabizikoa? Zegama herri txikia da. Biztanleak galtzen ari zen garai hartan eta Zegamako Udalak herria bultzatzeko eta ezagutzera emateko zenbait ekimen abian jartzea erabaki zuen. Gure altxorra Aizkorri denez, Aizkorriko Lagunen Eguna antolatzeko erabakia hartu genuen. Erromeri gisako bat izan zen, eta horren bueltan sortu zitzaigun 2002. urtean Zegama- Aizkorri mendi maratoia antolatzeko ideia. Nola atera zen lehen proba hura? Ezer gutxi genekien guk mendi lasterketa bat zer zen. Hori bai, Aizkorri ondo ezagutzen genuen, eta ibilbide zirkular bat prestatzea bururatu zitzaigun, herrian hasi eta herrian amaituko zena. Interresgarria iruditu zitzaigun ibilbide horri maratoiko distantzia ematea, eta behin hori erabakita neurketak egin genituen. Negu osoa pasatu genuen lan hori egiten eta gainerako detaileak lotzen. Eta hori guztia zer aterako zen oso ondo jakin gabe! Iritsi zen azkenean egun seinalatua. Uztaileko lehen igandean egin genuen mendi maratoia, hasiera batean uztailean egiten baikenuen. San Fermin eguna zen eta goizean hotz egiten zuen. Urbian 0 gradu zeuden, baina eguerdirako asko igo [...]

Goierriko Hitza

45 lagun biharko Pista Jokoan

45 lagunek hartuko dute bihar parte Pista Jokoan. 27 neska eta 18 mutil izango dira. Azokan elkartuko dira, bihar, maiatzak 21, 17:00etan. Sorgintxulo aisialdi taldeko begiraleek prestatutako probei aurre egin beharko diete gaztetxoek. Pista Jokoa kale...

Legazpiko Hitza
Gehiago
HITZAkide HITZAkide

 

ELKARRIZKETAK

ERREPORTAJEAK

KIROLA

Azken bideoak

 

Argitalpen bereziak

Gipuzkoa