Beasaingo umeen danborrada iruditan
Beasaingo dozenaka umek parte hartu dute gaur eguerdian egin duten haur danborradan. Beasaingo Loinatz jaietan ikusmin handia sortzen duen ekitaldia da, eta gaur ere, kale nagusiaren bi aldeetan pilatu dira umeen guraso, senide eta...
Beasaingo dozenaka umek parte hartu dute gaur eguerdian egin duten haur danborradan. Beasaingo Loinatz jaietan ikusmin handia sortzen duen ekitaldia da, eta gaur ere, kale nagusiaren bi aldeetan pilatu dira umeen guraso, senide eta lagunak. Konpainia ezberdinetan banatuta, Sarriegi maisuaren doinuak jo dituzte, danbor hotsekin lagunduta. Eguraldia zela medio, desfilea egingo ote zuten ere zalantzan zegoen gaur eguerdira arte, baina azkenean ez du euririk egin, eta ohiko ibilbide egin dute umeek. Bukaeran, konpainia guztiak Loinazko San Martin plazan bildu dira, eta Koskola txarangak eta Musika Eskolako Bandak lagunduta jo dituzte azken piezak.
Umeen danborradaren ondotik, gauean helduena egingo dute; 22:30ean aterako da Ezkiaga auzoan dagoen CAFeko kaperaren ondotik. Arratsaldean ere, egitarau betearekin jarraituko du festak.













