Kirola egiteko motibazioak eta ohiturak aztertu ditu Iñaki Arratibel medikuak
Ukaezina da azken urteetan asko igo dela kirola egiten duen jende kopurua. Oso ohikoa da Goierriko herrietako kaleetan jendea korrika edo errepideetan ziklistak ikustea. Herriko gimnasioak eta igerilekuak ere jendez beteta egoten dira maiz. Baina zergaitik? Zertarako egiten du jendeak kirola? Galdera horri erantzuna ematen saiatu zen Iñaki Arratibel kirol mendikua, Ordizia Kirolean jardunaldien barruan eman zuen hitzaldian. Kirola egiten hasten den asko osasun arazoengatik asten da gorputza astintzen. Medikuak egindako analisietan kolesterola altu xamar duelako, edo ispilu aurrean begiratu eta behar baino kilo gehixeago dituela konturatzen delako. «Jendeak kirola gazte sentitzearren» egiten duela dio Arratibelek. «40 urte inguruko jende askok sentitzen du berriz kirola egiten hasteko beharra». Kirola egiten duenak bere helburuak ongi finkatu behar dituela dio du Arratibelek. Pertsona batentzako balio duen entrenamenduak, ez du betse batentzako balio. Helburu errealak finkatzea garrantzitsua da. «Bizikletan kilometro batzuk egiten hasi eta sei hilabetera ezin da Quebrantahuesos proban parte hartu». Gaur egun gure eguneroko lanetan jarduera fisiko gutxi egiten dugu. Egun, lan asko eserita egiten dira , apenas neke fisikorik gabe. Horrek eragiten du jendeak bere denbora librean kirola egiteko behar bat sentitzea. Bizi sedentarioak eragiten dituen gaixotasunak ere areagotzen doaz azken urteetan. Kirola egiteko beste arrazoi bat, kirol jakin batean [...]
Ukaezina da azken urteetan asko igo dela kirola egiten duen jende kopurua. Oso ohikoa da Goierriko herrietako kaleetan jendea korrika edo errepideetan ziklistak ikustea. Herriko gimnasioak eta igerilekuak ere jendez beteta egoten dira maiz. Baina zergaitik? Zertarako egiten du jendeak kirola? Galdera horri erantzuna ematen saiatu zen Iñaki Arratibel kirol mendikua, Ordizia Kirolean jardunaldien barruan eman zuen hitzaldian.
Kirola egiten hasten den asko osasun arazoengatik asten da gorputza astintzen. Medikuak egindako analisietan kolesterola altu xamar duelako, edo ispilu aurrean begiratu eta behar baino kilo gehixeago dituela konturatzen delako. «Jendeak kirola gazte sentitzearren» egiten duela dio Arratibelek. «40 urte inguruko jende askok sentitzen du berriz kirola egiten hasteko beharra».
Kirola egiten duenak bere helburuak ongi finkatu behar dituela dio du Arratibelek. Pertsona batentzako balio duen entrenamenduak, ez du betse batentzako balio. Helburu errealak finkatzea garrantzitsua da. «Bizikletan kilometro batzuk egiten hasi eta sei hilabetera ezin da Quebrantahuesos proban parte hartu».
Gaur egun gure eguneroko lanetan jarduera fisiko gutxi egiten dugu. Egun, lan asko eserita egiten dira , apenas neke fisikorik gabe. Horrek eragiten du jendeak bere denbora librean kirola egiteko behar bat sentitzea. Bizi sedentarioak eragiten dituen gaixotasunak ere areagotzen doaz azken urteetan.
Kirola egiteko beste arrazoi bat, kirol jakin batean errendimendua hobetzeko nahia izan daiteke. Kirola, jarduera jakin batera bideratzen duen jendeak, entrenameduak emaitza jakin batzuk lortzeko helburuarekin egiten ditu.
Helburu jakin batzuetarako entrenatzen duen jendeak, entrenamendu horietaz gain zer lan egiten duen eta familairi zenbat denboa eskaini behar dion ere kontuan izan behar duela uste du Arratibelek.
Kirolari profesional batek, «egun guztia praktikatzen duen kirola prestatzeko izaten du. Egunero lanean zortiz orduz aritzen den pertsonak, lan horrek eragiten dion neke fisikoa ere konuan izan behar du bere entrenamendua prestatzeko garaian». Hala, «Behobia Donostia lasterketan parte hartzen duen korrikalari herrikoi askok ia lehengo profesionalek baino gehiago entrenatzen dute». Kirol proba batzuen masifikazioa «gehiegizkoa» dela uste du Arratibelek. «Jendeak itsu itsuan marka bat egin nahi izaten du, askotan bere egoera fisikoa kotuan izan gabe, edo bere osasuna arriskuan jartzen duela kontuan izan gabe. Osasunak beti oinarrian egon behar du»
Profesionalen kasua ezberdina da, kirola egitetik bizi denak, egun osoa baitu entrenatzeko eta bere kirol mota prestatzeko. Planifikazio zehatzak egin ditzakete.
«Kirola egiten umetan hasi»
Kirola egiten umetatik hastea garrantzitsua dela aipatu du Arratibelek. « Ez kirola egite soilagatik, taldean lan egiten jakiteko garrantzitsuak dira talde kirolak».
Haurrek irabazten eta galtzen ikasteak «bizitzaren aurrean beste jarrera bat» sortuko die gaztetxoei. Kirol taldeetan entrenatzeko eta partidetara joateko konpromisoa hartzea ere komeni zaie gaztetxoei. «Gero eta gehiagotan gertatzen da larunbat batean taldekide bat partida jokatzera ez azaltzea, lehen jendeak taldearekiko lotura handiagoa sentizen zuen». Gero eta gazte gehiago norbere konura hasten da kirola egiten. Gazteek nahi duten kirola indibidualki egiten dute.
Kirola zergatik egiten den norberak erabaki behar du, kirola egitea ona da, baina neurrian.
Larunbatean kirolariak kalean arituko dira
Ordizia Kirolean asteko egitaraua bukatzeko, hainbat ekintza antolatu dituzte larunabaterako. Goizeko 10:00etan, umeentzako triatloia egingo dute. Majoriko kanpoko igerilekuan igeri egin beharko dute gatzetxoek aurrena; gero, bizikletan Altamira auzoko kaleetan zehar atonduko duten zirkuitoan ariko dira, eta azkenik, korrika egingo dute estadioko atletismo pistan.
Triatloia antolatzeren ardura Trigoi Triatloi Taldearena izan da. Umeentzako triatloi honekin kirol hau gaztzetxoen artean ezagutzera eman eta suspertu egin nahi dute.
Triatloian Goierriko ikastetxeetako ikasleek parte hartuko dute. Gazteenak benjamin mailakoak izango dira eta zaharrenak kadete mailakoak. Probaren distantzia, adinaren arabera egokitua izango da.
Helmugara iristen diren parte hartzaileek poltsa bat jasoko dute, bertan, janaria eta edaria izango dituzte, egindako esfortzua errekuperatzeko. Oroigarri gisa, lastertetako kamiseta bat ere eskuratuko dute gaztetxoek.
Arratsaldean, haurrek hainbat kiroletan aritzeko aukera izango dute Plaza Nagusian, 17:00etan hasita. Besteak beste tenisa, badmintona, ping-ponga, futbola eta saskibaloia hobeto ezagutzeko aukera izango dute.
Iluntzean, 19:00etatik aurrera Wu-Shu erakustaldia egingo dute Garagartza plazan. Euskadiko Selekzioko kideek egingo parte hartuko dute saioan.
20:00etan kirol zerbitzuen eta produktuen zozketa egingo da. Zozketan parte hartzeko Ordizian elkarteko dendetan lortutako txartelak osatu behar dira.
Ordizia Kirolean asteari amaiera emateko, 20:30ean Capoeira erakustaldia izango da, Garagartza plazan hasi eta herriko kaleetan zehar bukatuz.














