Bihar arratsaldean egingo duten osoko bilkuran onartuko dituzte udal berriaren zati izango diren batzordeak. Bilduk alkatetza lortuta, bilkurak arratsaldez izatera igaro dira, eta biharkoa 19:00etan izango da. Aurrerantzean ere hala izango dira, herrit...
Ordiziako Mendizaleek asteburu pasako irteera antolatu dute datozen egunetarako. Formigalera joan eta hainbat tontor igoko dituzte. Ostiral arratsaldean abiatuko dira; 16:00etan elkartu eta autbosua hartuko dute, Formigaleraino. Biharamunean, Espelun...
Ataungo Ergoiena auzoan dauden Inbiko iturria eta alboko zubia auzolanean berritu dituzte. Larunbatean zazpi laguneko taldea elkartu zen bi osagai arkitektonikoak konpondu eta zeukaten egoera kaxkarra hobetzeko. Inbiko itturrie deitzen zaion iturriaren...
Datorren ikasturtean Lazkaoko taldearekin futbolean hasi nahi duten haurrentzako bigarren deialdia egin du Lazkao Kirol Elkarteak. 2000tik 2003ra jaiotako neska-mutikoak has daitezke futbol eskolan, bi urte horietakoak barne. Izena emateko orriak Joxem...
Uztaila guztian zehar izango dira aisialdian eta lagun artean burutu ahal izateko ekintzak; gaur sanferminetako txupinazoa irudikatu dute zapi gorri eta...
Peru jaio zenean haurrarekiko atxikimendu arazoak izan zituen Gloria Urkolak, umea ez zuelako berea sentitzen. Egoerari aurre egiteko, Interneten hasi ziren laguntza bila, bera eta bikotekidea. Meitaia izan zen aurkitu zuten laguntzarik onenetakoa, denbora guztian haurra berarekin, soinean, eramatea ahalbidetzen zion zapi zatia. Meitaiari esker, semea hezteko «modu propioa» izan dute Urkolak eta Ander Gorostizuk: «Atxikimenduan oinarrituta, maitasunez, kontaktuarekin, begiradarekin eta ilusio askorekin hezi dugu umea». Meitaia, tela zati lauki bat da, ertz bakoitzean tira luze batekin gorputzera lotzen dena. Jatorriz ekialdetik datorren ume eramaile bat da, «lotu daiteke» esan nahi duena. Ez da ordea ume eramaile mota bakarra, oihala erabiliz mota ezberdinetako eramaileak egin baitaitezke. Oihala gorputzera lotzen da, eta umea eramailearen gorputzaren kontra eramaten da. Meitaia lotzeko ere modu ezberdinak daude, haurraren adinaren, tamainaren eta pisuaren eta egin behar den ekintzaren arabera. Urkolaren esanetan, «oso erraza da korapiloak egiten ikastea, baina norbaitek erakutsi behar dizu, gure gizartean ez delako kulturalki trasmititzen den zerbait». Horregatik, beraiek bezala, ohiko bideetatik irten eta umea hezteko beste modu bat bilatu nahi duenari zuzenduta, tailerrak antolatzen hasi ziren Urkola eta Gorostizu. Hurrengoa, larunbatean egingo dute, Beasainen, Bioqiros zentroan. Lau zati ditu tailerrak Ataundarrek, lau zatitan banatzen dute ikastaroa, eta guztira hiru ordu inguru [...]
''Bilbliopiszina'' zerbitzua egun osoan zehar egongo da martxan erabiltzaile guztiei irekita; aurten gainera haurrentzako gunea ere jarri dute zenbait jolasekin.
Ordiziako Txirrindulari Elkartea «oso aste intentsoak» bizitzen ari da. Eskolartekoen denboraldia bukatu bada ere, jubenilak gelditu ere egin gabe dabiltza; batetik, Gipuzkoako Itzulia izan dute, eta «emaitza oso onak» lortu dituztela azaldu dute e...
Emakumeen kontrako indarkeria salatzeko, hileroko bilkura egingo dute bihar, Ordizian. Eraldatzen, Kimez eta Asmube emakume elkarteek egin dute elkarretaratzera joateko deia. Hiru elkarte horiek bidalitako oharrean, «emakumeen aurkako indarkeriarekin ...
Juan Mari Jauregi legorretarraren omenez Burnikurutzetan dagoen oroitarraren kontra erasoa izan dela jakin ondoren, Legorretako Udaleko gobernutaldeak (Bildukoa) errefusatu egin du gertaera. Halako erasoen jatorria «bat ala beste izan», indarkeriazko ekintzak errefusatzen dituela azaldu du, ohar batean. «Indarkeriazko gertakariak gerta ez daitezen lan egingo dugula hitz eman genien herritarrei, eta halaxe ari gara udal gobernuaren ardura dugunetik. Ez dugu halakorik nahi Gipuzkoan, ez eta beste inon ere». Jauregiren omenezko oroitarria aurreko astean kaltetu zuten, duela zortzi urte kokatu zutenetik laugarren aldiz. Atzo jakinarazi zuen Herrizaingo Sailak. Gipuzkoako Foru Aldundia ere erasoaren aurka azaldu da. Biktima guztiei aitortza Legorretako udal gobernu taldeak, lau puntuko oharraren barruan, azken hamarkadetan indarkeriak eragin dituen «biktima guztiei aitortza eta erreparazioa» dagokiela gaineratu du. «Herritarren adiskidetzeak berebiziko garrantzia izango du gatazka politikoa eta indarkeria mota oro gainditzeko bidean», dio Udalak. Bakearen eta demokraziaren aldeko konpromisoa berretsi du Bilduk, indarkeria bukatzeko lanean eragile denei deia egin die. OHARRA (osorik) Juan Mari Jauregi Gipuzkoako Gobernadore zibila zenaren omenez Burnikurutzeta mendian dagoen monolitoari egindako erasoaren harira: Legorretako udal gobernu taldeak erasoa errefusatu egiten du. Jatorria bat ala beste izan indarkeriazko ekintzak errefusatzen ditu. Indarkeriazko gertakariak gerta ez daitezen lan egingo dugula hitz eman genien herritarrei eta halaxe ari gara [...]
Turismoaren alorrak hasi du udako denboraldia Goierri behean eta Tolosaldean. Bi bailarek eskaintza turistiko bateratuta aurkeztu dute, hirugarren urtez Euskadiko bihotza markarekin. Gida berritua argitaratu dute, bisitarientzat informazio baliagarriarekin: ikustekoak, museoak eta interpretazio zentroak, gastronomia eta ostatu eskaintza, natura eremuko baliabideak, gai historikoak eta agenda ditu. «Uda Euskadiko bihotzean hasten da aurten», esanez aurkeztu dute uda-aroa Goiturreko Niko Osinaldek eta Tolosaldea Garatzeneko Olatz Ilarregik. Kontzeptu mailan, turismo sektorean gertatu diren aldaketak txertatu dituzte, playground filosofia edota esperientzien bizipena, adibidez. Destino geografiko turistiko batean egin daitezkeen gauzak osotasunean saltzea da playground-a, bat eta izen berarekin. Horrez gain, ikustetik egitera birmoldatu da turismoaren betebeharra bisitariarekiko. «Orain turista ez dator leku bat ikustera, baizik zerbait egitera, esperientziak bizitzera. Datozen urteetan hortik joko du turismoko arloak». Goierri-Tolosaldea «bost izarreko» destino turistikoa da; «harro esan dezakegu, ametsa zena errealitate bihurtzen hasi da eta». Bost osagairen gainean eraikia dago: gastronomia, natura, kultura, kalitatea eta lasaitasuna. Turismo eskaintzaren erdian Gastronomiaz, naturaz eta kulturaz gain, bide berdeak eta Done Jakue bidearen eskaintzekin Jaurlaritzaren Turismo Sailaren programetan sartuta dago. Bestetik, Donostia 2016 Europako kultura hiriburuaren «olatu erraldoia» erabili beharrekotzat jo dute. «Guk ere olatuan surfean hasi beharko dugu. Parte hartu dugu proiektua eraikitzen, eta programa horretan jarraituko dugu. Donostiara [...]
Igor Eguren – Ordiziako Udaleko alkatea Alkate karguari neurria hartzen hasia da Eguren, nahiz eta lehen aste hauetako erritmoa «intentsoa» izaten ari dela aitortu. Iñaki Gurrutxaga Urte askoan kazetaritzaren eta komunikazioaren arloan ibili ondoren, udal politikagintzara egin du jauzi Igor Egurenek (Beasain, 1975) Bilduren eskutik. Herritarrekiko hartuema sendotzea eta partaidetza sustatzea izango ditu helburu lehen hilabeteotan. Hiru aste eskas pasa dira alkate kargua hartu zenuenetik. Zer moduzko sentipenak dauzkazu? Sentipenak, onak. Oso lan aberasgarria da, batez ere jende askorekin nagoelako, eta hori nire izaeraren barruan doan zerbait delako. Nik kazeta munduan urte asko daramat, eta lan honek jendearekiko harremana eta informazioaren kudeaketa biltzen dituenez, karguan gustura sentitzen naiz. Hala ere, sentipena hitz batean laburbiltzekotan, intentsoa esango nuke. Eta ardura sentimendu hori zer moduz daramazu? Nik pentsatzen dut pertsonen gestore bat izan behar dudala, eta nire zortea dela pertsona oso onez inguratuta nagoela. Udaletxean bildu naizen guztiei esan diet ez dudala inolako asmo presidentzialistarik, eta taldean eta herritarren parte hartzearekin batera hartuko ditugula erabakiak. Ardura sentsazio hori badut, baina ez nau beldurtzen, ez nau itotzen. Kalean-eta, herritarrek zer mezu eman dizuete? Nik momentuz kalean jaso dudana besarkadak izan dira, animoak… Eskaera txikiak ere izan dira, hasi norberari dagozkion eskaeretatik eskaera orokorretara. [...]
Urtero bezala narratiban, poesian eta bertsopaperen modalitatean jasoko dira lanak; aurkezteko azken eguna irailaren 24a izango da.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
