
Aste osoa gripearekin igaro ondoren, Maila Nagusiko Gipuzkoako Txapelketa jokatu du asteburuan Iñaki Azurmendi aizkolari arriarandarrak. Sasoiz «puntu-puntuan» ez bazegoen ere, eta txapelketan parte hartzeko zalantzak izan bazituen ere, iaz lortutako garaipena errepikatzeko asmoz aritu zen igandean Bedaioko (Gipuzkoa) pilotalekuan. Joxemari Olasagastik jarritako erritmoari ezin izan zaion jarraitu eta Igeldoko (Donostia, Gipuzkoa) aizkolariak jantzi zuen txapela. Txapelketa orain hamabost egun jokatu izan bazen, Olasagastiri gauzak zail jartzeko asmotan zen Azurmendi: «Orain bi aste oso forma onean nengoen, eta berriz ere txapela janzteko aukera asko nituen. Baina erabat errekuperatzerik ez dut izan, eta ezin izan dut maila berdindu». Igandean Euskadikoa Zailtasunak-zailtasun, igandean egindako lanarekin «nahiko gustura» geratu da arriarandarra, eta Gipuzkoako txapela lortzerik izan ez badu ere, igandean Arbizun (Nafarroa) Euskadiko Maila Nagusiko Txapelketako finalera sartzeko txartela eskuratzeko moduan egongo dela aurreratu du: «Astea lasai hartu eta indarra berreskuratzen badut, finalerako txartela lortzeko moduan egongo naizela iruditzen zait». Hamabi aizkolarik parte hartuko dute Euskadiko finalerako kanporaketan, eta sei igaroko dira finalera. Azaroaren 6an Elizondon (Nafarroa) jokatuko da finala. Lehen lau aizkolarien artean sailkatu nahi du Azurmendik.

Urriko azken asteburuan egingo dute aurten ere Jazpana Fest! jaialdia Beasainen. Urriaren 28tik 31ra izango da ruralismo posmodernoaren festa, eta azaroaren 1a jai eguna dela aprobetxatuz, eta hirugarren urteurrena ospatzeko asmotan, antolatzaileek hiru kontzertu egun antolatu dituzte aurtengorako. Jaialdiko egitaraua zehazten ari dira oraindik, baina antolatzaileek jakinarazi dutenez, dagoeneko hamalau taldek onartu dute jaialdian airtzeko gonbita. El Columpio Asesino, Ainara Legardon, Atom Rhumba, Guadalupe Plata, Los Kiti Phantoms, Willis Drummond, La Celula Durmiente, Grises, Continuo Renacer, Fiachras, Los Teleplasticos, The Nekrobabies, Lost Chords eta Cuarto de Hora dira aurtengo Jazpana Fest!-en egongo diren taldeetako batzuk. Orain arte bezala, kontzertuez gain, bestelako ekintzarik ere egongo da urriko azken asteburuan. Urriaren 28an, ostirala, hasiko da jaialdiaren inguruko argazki rallya, eta kontzertuez gain, Guitar Hero lehiaketa ere orduan egingo dute. Larunbatean, urriaren 29an, 3×3 saskibaloi txapelketa egingo dute, eta hurrengo egunean, skate txapelketa. Azken egunean film laburren emanaldia egingo dute, eta ondoren Jazpanaokea. Orduan bukatuko da argazki rallya, eta egunero, kontzertuen ondoren, dj-ak arituko dira festa gunean. Ekintza guztiak Bernedoeneako aparkalekuan jarriko dituzten karpetan egingo dituzte. Skate txepelketa, ordea, Gernika pasealekuko pilotalekuan izango dela aurreratu dute antolatzaileek. Boluntarioen bilera bihar da Txapelketen eta argazki rallyaren oinarriak, jaialdiari buruzko gainerako informazioa eta bertan parte [...]

Igandean egin zen meza, errelebua ofizial egiteko, Jose Inazio Munilla Donostiako gotzaia buru zela; eliztarrek Segurola omentzeko bazkaria egingo dute irailaren...

zingizango.com• Pasa den asteburuan jokatu zen Fiteroko rallysprintean, Junior mailan irabazteaz gain beraien kategoriko podiumean sartzeko gutxi falta izan zitzaien. Lasterketa Angela Vilariño gidariak (Andres Vilariñoren alaba) irabazi zuen, alboan Borja Guereñu kopilotoa zuela. Subaru Impreza WRC kotxea gidatu zuten eta Jesus Manuel Moro – Miguel A. Cañas eta Joxe Labaka eta Aitor Otaegi bikoteei gailendu zitzaizkien. Pasa zen larunbatean bikote legazpiarrak lan ederra egin zuen Nafarroako lurretan, Euskadiko eta Nafarroako txapelketetarako puntuagarria den Fiteroko lasterketan. Alde batetik, Junior mailan bere nagusitasuna azaldu zuten erlojuz kontrako 3 saioetatik lehena eta hirugarrena irabaziz eta bigarrenean 3. postua eginez, baina, 3.ak sailkatu ziren lasterketan izandako istripu batek saioa neutralizatzera behartu zuelako eta, honela, helmugara iritsi ahal izan zen azken kotxearen denbora aplikatu zitzaielako. Honek segundo polit batzuk galtzea ekarri zien… Hala ere, irabazitako beste bi saioetan lortutako errenta baliatuz, Junior mailan garaile atera ziren. Bestetik, beraien kategoriako podiumean sartzerik ez zuten izan aipatutako neutralizazioaren ondorioz. Beraiek egingo luketen denbora “logikoari” gehitu zizkieten segundoek 4. postura bidali zutelako legazpiar bikotea. Hala ere, emaitza oso ona dela esan daiteke, kontuan izanda aurten estreinatu dutela beraien Citroen Saxo VTS kotxea eta esperientzia handiagoa duten gidari askoren aurka korritzen aritzen direla. Denboraldiari begira esan beharra dago [...]

Asteburuan Agorreko Santikutz festak ospatu dituzte Legazpin. Egitaraua Lakiolan itxi zuten herenegun, urtero Zingi Zango euskara elkarteak antolatu ohi duen erromeriarekin. Zozketari dagokionez, 1240 zenbakiak irabazi zuen Korta jatetxeko marisko-jana...

Izendapena igande honetan egingo da Jose Inazio Munilla Donostiako gotzaina bertan dela; eliztarrek Segurola omentzeko ekimena antolatu dute irailaren 25erako....

Gizartean ohiturak aldatzen ari dira eta jendeak, ospakizunak egiteko gero eta gutxiago jotzen du elizara. Ezkio-Itsasoko Udalak ospakizun zibilak eta batez ere hiletak egiteko areto baten beharra ikusten zuen. Hainbat herritarrek ere eskatu zuten zerbitzu hori. Eskaera horri erantzun nahian, udalak Santa Lutzi auzoan egin duten udal eraikin berriko lehenengo solairuko areto bat prestatu du, zerbitzu hori eman eta ospakizun zibilak egiteko. Aretoa kultur ekintza ezberdinak egiteko erabili izan da orain arte. Tomas Etxaniz, herriko alkatearen arabera, «aretoa ospakizun zibilak egiteko ere aproposa» dela iruditu zaie eta ospakizun horiek egin nahi dituenak aretoa eskuragarrai izango duela azaldu du. Ospakizun zibilen artean gehien egiten direnak hiletak dira. Ezkio-Itsasoko Udalak ordea, ez du aretoa erabilera horretara mugatu nahi; oraindik bataio zibil gutxi egiten direla badakiten arren, aurrera begira haur jaio berriei ongietorri ospakizunak egiteko aukera ere eskainiko du Ezkio-Itsason prestatu duten aretoak. Ezkontzei dagokionean, udaletxeko areto nagusian egin dituzte orain arteko ospakizunak. Areto berri horrek ezkontzeko ere balioko duen arren, ezkontideei utziko zaie ospakizuna udaletxeko zein aretotan egin nahi duten erabakitzen. Ezkontza bakoitzean izaten den gonbidatu kopuruaren arabera areto bat edo bestea erabili ahal izango dute. Ospakizun zibilak egiteko aretoa udaletxeko beheko solairuan dago. Aretora sartu eta zabaltasuna eta erosotasuna nabarmentzen du [...]

Pirritx eta Porrotx pailazoek bi emanaldi egingo dituzte irailaren 17an Beasaingo Antzizar kiroldegian. Txernobilgo Lagunak elkarteari laguntzeko dirua biltzeko emanaldiak izango dira, eta sarrerak bihartik aurrera egongo dira salgai Mirentxu liburudendetan (Nafarroa Etorbidean eta Kale Nagusian). Ikuskizunetan Lore eta Pupu, Pirritxen umeak, ezagutzeko aukera egongo da, eta emanaldietan izango dira Irrien Lagunak klubeko gainerako laguntzaileak ere: Tiritatxo, Largabista, Marikalanbre, eta Martinbertso. Lagun guztiek elkarrekin, osasuna, natura, zientzia, kultura eta, batez ere, elkartasuna balioak landuko dituzte ikuskizunetan, Txernobilgo istripuaren ondorioek, arlo horietan izan dutelako eragina. Irailaren 17ko ikuskizunetan nabarmenduko duten balioa, ordea, elkartasunarena da: «Abestian esaten den bezala, eman eta jaso, jaso eta eman, hori da elkartasuna, eta guk modu batean ematen dugu, baina haiek ere asko ematen digute», zehaztu du Joxe Mari Agirretxe Porrotxek. Elkartasuna irria eta herria elkartuz adieraziko dute, «irriz ere izan daitekeelako eskuzabala», eta herriz, «Euskal Herriak beti erakutsi duelako herri eskuzabala dela, eta elkarte asko daudelako laguntzeko prest. Horietako bat da Txernobilen Lagunak elkartea». Hogehita bost urte laguntzen Txernobilen Lagunak elkarteak 25 urte daramatza Ivankov herriko haurrak udan Gipuzkoara ekartzen, «hemen igarotzen dituzten bi hilabetean indarrak berreskuratzen dituztelako eta ondoren Ukrainako negu gogorra hobeto igarotzen dutelako», jakinarazi du Jon Ezenarrok, Txernobilen Lagunak elkarteko kideak. [...]

Ordiziako Mendizaleak elkarteak ez du ohiko mendi irteerarik antolatu asteburu horretarako. Horren ordez, Murumendira joango dira, bertako bideak garbitzera. Larunbat goizeko 10:00etan elkartuko dira, ohiko lekuan.

EGA, HABE eta Hizkuntza Eskakizunak prestatzeko aukera eskeiniko da aurten ere; matrikulazio epea hilaren 20ra arte egongo da zabalik.

Zaldibiako Udalak aurreko ostegun arratsean azaldu zuen hasi berri den legealdian zein funtzionamendu izango duen. Batzordeak arloka banatu, arduradunak izendatu eta osaera finkatu ondoren, esku artean dituzten gaien errepasoa egin zuten lehenbiziko herri batzarrean, 42 herritarren aurrean. Irailean ekingo die batzorde bakoitzak bilerei. Udal gaiak lantzeko funtzionamendu-modua bost batzordeetan oinarrituko da, nagusiki. Herritarrek osatutako lan-talde horietan gaiak «planteatu, eztabaidatu eta erabakiko» dira. Ostegunean jakinarazi zituen udal batzordeen arduradun zein zinegotzi izango diren, eta talde bakoitza zenbat herritarrekin osatuta dagoen. Denera 56 dira. Udal gobernua osatzen dute Bilduko zazpi zinegotziek gidatuko dituzte lan-taldean; Zaldibian Herrigintzan taldeak bi ordezkari ditu, eta batzorde guztietan parte hartuko dute. Udal Herri Batzarrak egiteko asmoa ere bada. Bi motatakoak lirateke. Batetik, batzordeen eta udalaren lanaren berri emateko urtean «gutxienez» bi batzar ireki antolatuko ditu Udalak, informazioa zuzenean emateko. Horiez gain, gaiaren garrantziaren arabera, «behar adina» udal herri batzar deitzea da asmoa, «gaiak hala eskatzen duen bakoitzean». «Herriaren etorkizunerako garrantzitsu diren erabakiak hartzeko, nahiz udalean erabaki garrantzitsuen inguruan desadostasun handiak daudenean argitzeko» lirateke batzarrak. Alkatetzan, bestetik, herritarrak hartzeko ostegunero egongo da ordezkariren bat, egun osoan. Lanak eta proiektuak Herri batzarrean errapasatu zituzten udalkideek hasitako edo buruan dituzten lanak zeintzuk diren. Egitasmoen arloan, udala Herri Antzokia berritzeko proiektua [...]

Olaberriko Udalak aurreko astean Gipuzkoako Aldizkari Ofizialean argitaratu zuen iragarkiaren arabera, trafikoko isunetan 20.000 euro ditu kobratzeko, 2010eko urteari dagozkionak. Arau hauste «oso larriak» egin zituzten gidarien 40 isun ordaintzeke d...

Lazkaoko udaletxearen atzean zegoen Zubiaurre etxea desagertu da. Aurreko astean eraitsi zuten lau solairuko etxebizitza, XIX. mendearen bukaera alderako bazena. Alboan zeuden komun publikoen etxetxoa ere bota egin dute. Komunentzat areto berria egokit...

Eguraldiak asko lagundu ez badu ere, giro ederrean igaro dituzte asteburuan Beasainmendiko jaiak. Larunbatean egin zuten auzotarren arteko mus txapelketan Ander Otaegik eta Esteban Aranburuk jantzi zuten txapela. Igandean egindako VII. Usurbeko Igoeran berriz, Hassan Ait villabonarrak eta Nerea Amilibia aiarrak jantzi zuten txapela. Villabonarrak 22 minutu eta 28 segundo behar izan zituen Agortara iristeko. Juan Mari Garinek 2005ean jarritako errekorrik (21 minutu eta 24 segundo) ezin izan zuen gainditu Aitek, beasaindarrak baino minutu bat gehiago behar izan baitzuen lau kilometro eta erdi pasatxo aldapan gora egiteko. Guztira, 58 korrikalari iritsi ziren Agortako helmugara, horietatik zazpi emakumeak. Iaz bi emakumek bakarrik parte hartu zuten proban. Lehen herritarrak, berriz, Imanol Etxeberria eta Itziar Andueza izan ziren. Urtero bezala, aurten ere goierritar ugarik parte hartu du lasterketan. Guztira, 38 izan dira eskualdeko korrikalariak, eta herritarrak 22. Errifek badituzte saridunak Auzoko festak antolatu ahal izateko saltzen dituzten errifa sarituen zenbakiak ere jakinarazi dituzte Beasainmendi elkartekoek. Arkumea, otarrainska kaxa eta xanpain kaxa 358 zenbakidun errifadunak jasoko ditu. Urdaiazpikoa 238 zenbakidun errifa duenak eta baserriko bi oilaskoak 568 zenbakia duen errifaren jabeak jasoko ditu. SAILKAPENA (Sailkapen osoa Lasterketak.com helbidean) GIZONEZKOAK: 1. Hassan Ait (Villabona) ………. 22:28 2. Imanol Etxeberria (Beasain) …. [...]