Inoxcrako eta Caja Ruraleko txirrindulariak garaile Amorebietako ziklo krosean

Mayora eta Aldanondo helmugara iristen Inoxcra-Beasain eta Caja Rural txirrindulari taldeetako txirrindulariek hainbat garaipen lortu dituzte Amorebietan (Bizkaian) egin den ziklo kros proban. Kadeteen mailan, Inoxcra-Beasain taldeko Daniel Mayora o...

Mayora eta Aldanondo helmugara iristen

Inoxcra-Beasain eta Caja Rural txirrindulari taldeetako txirrindulariek hainbat garaipen lortu dituzte Amorebietan (Bizkaian) egin den ziklo kros proban. Kadeteen mailan, Inoxcra-Beasain taldeko Daniel Mayora ormaiztegiarrak lortu zuen garaipena. Helmugara Patxi Aldanondori eskutik helduta iritsi zen Mayora, eta sailkapenean ormaiztegiarra lehen postuan geratu zen eta Aldanondo bigarren.

Talde beasaindarretik Mikel Paredes, Unai Aranburu eta Andoni Elorza ere izan ziren Amorebietan. Ziklo krosean aritzen diren lehen urtea dute hiru txirrindulariek, eta oraindik ohitzen ari direla adierazi dute Inoxcra-Beasaindik. Hala ere, bizkaiko proban taldekako garaipena lortu du Inoxcra-Beasainek.

Pello Olaberria garaile gazteetan

Gazteen mailan, berriz, Caja Rural taldeko Pello Olaberriak erraz irabazi zuen proba, taldeko arduradunek jakinarazi dutenez. Xabat Aranburu taldekidea bederatzigarren sailkatu zen, eta Eriko Mujika hamaikagarren. Gazteen mailan taldekako garaipena Caja Rural talderentzat izan zen.

Probako podiuma

HITZAkide HITZAkide

 

ELKARRIZKETAK

ERREPORTAJEAK

KIROLA

Azken bideoak

 

Argitalpen bereziak

Gipuzkoa